🛑षडयंत्राचा चक्रव्यूह भेदणारा नेता : मनीष दळवी यांच्यावरचे आरोप किती न्याय्य?

*🛑षडयंत्राचा चक्रव्यूह भेदणारा नेता : मनीष दळवी यांच्यावरचे आरोप किती न्याय्य?*

 

*🛑आजगाव मायनिंग वादात जिल्हा बँक अध्यक्षांना लक्ष्य करण्यामागचे राजकारण उघड.*

 

*🛑पालकमंत्री नितेश राणे यांनी मनिष दळवींचे केले उघड समर्थन.*

 

*🎥 KOKAN LIVE BREAKING ||NEWS CHANNEL*

 

*✍️ संपादकीय : सीताराम गावडे*

 

*🎴सिंधुदुर्ग, दि- १९:-* आजगाव परिसरातील कथित मायनिंग प्रकरणामुळे गेल्या काही दिवसांपासून वातावरण तापलेले आहे. ड्रोन सर्व्हे झाल्यानंतर ग्रामस्थांच्या मनात निर्माण झालेली भीती, संशय आणि संताप याचे रूपांतर आंदोलनात झाले. गावाच्या अस्तित्वाचा प्रश्न निर्माण झाला की भावना उफाळून येतात, हे स्वाभाविक आहे. मात्र या संपूर्ण प्रकरणात एक प्रश्न उपस्थित होतो – ज्या व्यक्तीचा या मायनिंग प्रक्रियेशी थेट संबंध नाही, त्या जिल्हा बँक अध्यक्ष मनीष दळवी यांनाच अचानक लक्ष्य का करण्यात आले?

ग्रामसभेत एका व्यक्तींनी “मनीष दळवी यांना येथे आणा” अशी मागणी केली. त्यांच्या नावाचा उल्लेख होताच वातावरण आणखी तापले. पण या संतापामागे वास्तव किती आणि राजकारण किती, याचा विचार होणे आवश्यक आहे.

*मायनिंगचा विषय आजचा नाही*

आजगाव परिसरातील मायनिंगचा विषय काल-परवाचा नाही. पालकमंत्री नितेश राणे यांना जिल्ह्याचे पालकमंत्री होऊन दीड वर्षांचा कालावधी झाला आहे. परंतु या भागात मायनिंगसाठीची प्राथमिक चाचपणी, सर्वेक्षणे आणि नोटिसा यापूर्वीच सुरू झाल्या होत्या. अनेक ग्रामस्थांनी न्यायालयाचे दरवाजे ठोठावले. काही प्रकरणे आजही न्यायप्रविष्ट आहेत.

म्हणजेच हा विषय ना मनीष दळवी यांच्या काळात सुरू झाला, ना नितेश राणे यांच्या कारकीर्दीत जन्माला आला. तरीसुद्धा ड्रोन सर्व्हेच्या निमित्ताने अचानक मनीष दळवी यांना लक्ष्य करण्यात आले. हा निव्वळ योगायोग आहे की नियोजनबद्ध राजकीय डाव, हा प्रश्न उपस्थित होतो.

*मनीष दळवी यांचे कर्तृत्व डोळ्यात खुपले का?*

मनीष दळवी यांनी जिल्हा बँकेचे अध्यक्षपद स्वीकारल्यानंतर बँकेची प्रतिमा उंचावण्याचे काम केले. जिल्हा बँकेला नवसंजीवनी देत ती एका वेगळ्या उंचीवर नेण्याचा प्रयत्न केला. ग्रामीण भागातील विकासकामांसाठी त्यांनी सातत्याने पाठपुरावा केला.आजगाव परिसरातील अनेक विकासकामे त्यांच्या माध्यमातून पालकमंत्र्यांकडे पोहोचली, असे स्थानिक पदाधिकारी सांगतात. मग अशा व्यक्तीला अचानक गावाचा शत्रू ठरवण्याचा प्रयत्न का झाला?स्थानिक ग्रामस्थांमध्येही याबाबत चर्चा आहे. काहींच्या मते, मनीष दळवी यांचे वाढते राजकीय वजन आणि जनसंपर्क काहींना अस्वस्थ करत आहेत. त्यामुळे संधी मिळताच त्यांना बदनाम करण्याचा प्रयत्न झाला.

*बळीचा बकरा कोण?*

मोठ्या मायनिंग कंपन्या स्थानिक पातळीवर निर्णय घेत नाहीत. त्यांचे व्यवहार, परवानग्या आणि धोरणात्मक हालचाली या वरिष्ठ स्तरावरून होतात. अशा वेळी स्थानिक नेतृत्वाला लक्ष्य करणे सोपे असते.अनेकदा लोकांचा रोष थेट कंपन्यांपर्यंत पोहोचत नाही. त्याऐवजी स्थानिक पदाधिकारी, कार्यकर्ते किंवा एखाद्या नेत्याच्या जवळची व्यक्ती बळीचा बकरा ठरते. आजगाव प्रकरणातही काहीसे तसेच घडल्याचे दिसते.एका कर्मचाऱ्याने मनीष दळवी यांचे नाव घेतल्याची चर्चा झाली आणि त्यानंतर आरोपांची मालिका सुरू झाली. पण आरोप आणि पुरावे यात मोठा फरक असतो. भावनेच्या भरात तो फरक अनेकदा दुर्लक्षित होतो.

*पालकमंत्री नितेश राणेंची खंबीर भूमिका*

या सर्व वादाच्या पार्श्वभूमीवर पालकमंत्री नितेश राणे यांनी घेतलेली भूमिका महत्त्वाची ठरली. त्यांनी ग्रामस्थांसमोर स्पष्ट शब्दांत सांगितले की, “मनीष दळवी यांना येथे आणा म्हणता, पण त्यांचे काय करणार? ते राणे कुटुंबाचा भाग आहेत. त्यांनी त्या भागाचा विकास करण्यासाठी काम केले आहे. ते चुकीचे काही करणार नाहीत.”

राजकारणात अनेकदा सोयीस्कर मौन पाळले जाते. पण नितेश राणे यांनी उघडपणे आपल्या सहकाऱ्याची बाजू घेतली. त्यामुळे अफवा आणि संशयांच्या धुक्यातून वास्तवाचा मार्ग मोकळा झाला.

*विश्वासाचा धागा तुटू देऊ नका*

मनीष दळवी यांनी पंचायतन देवस्थान श्री वेतोबा यांना स्मरून या मायनिंग प्रकरणाशी आपला कोणताही संबंध नसल्याचे स्पष्ट केले आहे. ग्रामीण भागात देवाची साक्ष देणे ही केवळ औपचारिक बाब नसते; ती विश्वासाची आणि नैतिक जबाबदारीची गोष्ट असते.

ग्रामस्थांचा त्यांच्यावर वर्षानुवर्षे विश्वास आहे. हा विश्वास एका अफवेच्या आधारावर तुटणे योग्य ठरणार नाही. गावासमोरचे संकट मोठे आहे. अशा वेळी परस्परांवर संशय घेण्याऐवजी एकजूट आवश्यक आहे.

*गाव वाचवायचे की राजकारण करायचे?*

आजगावसमोरील खरा प्रश्न मायनिंग आहे. गावाचे पर्यावरण, जलस्रोत, शेती आणि भवितव्य यांचे रक्षण करणे हीच प्राथमिकता असली पाहिजे. पण जर हा मुद्दा बाजूला पडून वैयक्तिक आरोप-प्रत्यारोपांचे राजकारण सुरू झाले, तर गावाचे नुकसान होईल.ग्रामस्थांनी आणि नेतृत्वाने यामध्ये फरक ओळखला पाहिजे. गावाच्या लढ्यात एकत्र उभे राहणे गरजेचे आहे. अन्यथा बाहेरील शक्तींना संधी मिळेल आणि स्थानिक समाजात फूट पडेल.

*शेवटचा इशारा*

मनीष दळवी यांना लक्ष्य करून आखलेला राजकीय चक्रव्यूह अखेर फार काळ टिकू शकला नाही. वास्तव समोर येऊ लागले आणि पालकमंत्री नितेश राणे यांनी स्पष्ट भूमिका घेतल्याने आरोपांच्या वादळाची धार कमी झाली.

आजगावचा लढा गावाच्या अस्तित्वासाठी आहे, कोणाला बदनाम करण्यासाठी नाही. मनीष दळवी यांच्यावर झालेले आरोप कितपत तथ्यपूर्ण आहेत याचा निर्णय पुरावे देतील; भावना नाहीत. मात्र एक गोष्ट निश्चित आहे—ज्यांनी विकासासाठी काम केले, त्यांना विनाकारण आरोपीच्या पिंजऱ्यात उभे करणे हा न्याय नाही.आता वेळ आहे आरोपांची नाही, तर गावाच्या भवितव्यासाठी एकत्र येण्याची. कारण गाव वाचले तरच नेतृत्व टिकेल, आणि नेतृत्व टिकले तरच विकासाचा मार्ग खुला राहील.

*सविस्तर बातमीसाठी खालील लिंक वर क्लिक करा…….👇👇👇👇*

 

 

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/GX6edZZhJPuIF8DertMr8J

——————————–

 

💡💡 *लाईट बिल जास्त येते ?* 💡💡

🌠🌠 *सौर उर्जेची वीज निर्मिती कमी झाली?* 🌠🌠

🥰 *काळजी करु नका, आम्ही तुमचं वीज बील भरू !* 😊

 

🤷🏻‍♀️🤷🏻‍♀️🤷🏻‍♀️ *महाराष्ट्रात प्रथमच* 🤷🏻‍♀️🤷🏻‍♀️🤷🏻‍♀️

 

🌞🌞 *पीएम सुर्यघर मोफत वीज योजना* 🌞🌞

 

श्रीराम बोअरवेल प्रस्तुत,

☀️☀️ *श्रीराम सोलर, सावंतवाडी* ☀️☀️

 

🛣️नवीन शिरोडा नाका, माजगाव रोड, सावंतवाडी. पिन – ४१६ ५१०

 

👉👉आमची हमी 🤷🏻‍♀️

 

जर सोलरने कमी युनिट मिळाली, तर उरलेली प्रती युनिट रक्कम थेट MSEB खात्यात जमा करू !

 

🎪☀️ *आमचे लक्ष “घरोघरी मोफत बिजली !”* 🌞🎪

 

☀️💫 *घरगुती सबसिडी ON-GRID* 🌞💫

 

🌞१ किलोवॅट ३०,०००/-

 

🌞२ किलोवॅट ६०,०००/-

 

🌞३ किलोवॅट पासून पुढे ७८,०००/-

 

🎪☀️ *अपार्टमेंट / सोसायटी सबसिडी* 🎪☀️

 

💫₹18,000/- प्रती किलोवॅट

 

💫कमास ५०० ₹90,00,000

 

☀️🌞 *आपण सोलर कुठे बसवू शकता?* ☀️🌞

 

🏘️ घर / अपार्टमेंट

🏬 शाळा / कॉलेज

🏢 हॉटेल

🏭 कंपनी / ऑफीस

🏥 हॉस्पीटल

⛺ नर्सरी

सर्व ठिकाणी सोलर बसवू शकता !

 

🤷🏻‍♀️🤷🏻‍♀️तर आजच अधिक माहितीसाठी आवश्य संपर्क साधा

 

📱0888 999 8824

📱0777 592 1004

 

☀️🌞☀️🌞☀️🌞☀️🌞☀️🌞☀️🌞☀️

________________________________

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Posts by LiveKokan

 

*🖥️ कोकण लाईव्ह ब्रेकिंग*

_अचूक बातमी थेट हल्ला_