🛑सत्याचा आवाज बुलंद करणारे नेतृत्व : सिंधुदुर्गच्या नशामुक्त भविष्यासाठी आमदार निलेश राणे यांची रणधुमाळी”

*🛑सत्याचा आवाज बुलंद करणारे नेतृत्व : सिंधुदुर्गच्या नशामुक्त भविष्यासाठी आमदार निलेश राणे यांची रणधुमाळी”*

 

*🛑अवैध धंद्यांच्या विळख्यात अडकलेला सिंधुदुर्ग… आणि निर्भीडपणे आवाज उठवणारा एकच चेहरा !*

 

*🛑आमदार निलेश राणे यांनी पोलिस अधिंक्षकावर केलेले आरोप प्रशासनाच्या डोळ्यात अंजन घालणारे.*

 

*🎥 KOKAN LIVE BREAKING ||NEWS CHANNEL*

 

*✍️ संपादकीय : सीताराम गावडे*

 

*🎴सिंधुदुर्ग, दि- २८:-* सिंधुदुर्ग जिल्हा हा निसर्गसंपन्न, पर्यटनप्रधान आणि सुसंस्कृत जिल्हा म्हणून ओळखला जातो. पण गेल्या काही वर्षांत या जिल्ह्याच्या मुळावर उठलेली सर्वात भीषण समस्या म्हणजे अंमली पदार्थांचे वाढते जाळे, गोवा बनावटीच्या विषारी दारूचा सुळसुळाट, मटका, अवैध धंदे आणि त्यातून बरबाद होत चाललेली तरुण पिढी. गावागावात नशेचे जाळे इतक्या वेगाने पसरत आहे की अनेक कुटुंबांचे संसार उद्ध्वस्त होत आहेत. दुर्दैव म्हणजे या सगळ्या प्रकारांकडे जबाबदार यंत्रणा केवळ बघ्याची भूमिका घेत असल्याची भावना सामान्य जनतेत दिवसेंदिवस तीव्र होत आहे.अशा परिस्थितीत सत्तेचा भाग असूनही कोणतीही राजकीय तडजोड न करता, परिणामांची भीती न बाळगता, विधिमंडळात थेट पोलिस प्रशासनालाच जबाबदार धरणारे कुडाळ-मालवण मतदारसंघाचे कार्यसम्राट आमदार N निलेश यांनी पुन्हा एकदा आपली आक्रमक, निर्भीड आणि जनतेसाठी लढणारी भूमिका सिद्ध केली आहे.

सिंधुदुर्ग जिल्ह्याचे पोलिस अधीक्षकच या अवैध धंद्यांना जबाबदार असल्याचा त्यांनी केलेला आरोप हा केवळ राजकीय विधान नाही, तर जिल्ह्यातील वास्तवाला हात घालणारा धाडसी इशारा आहे. सामान्य माणूस आज गावोगावी काय सुरू आहे हे उघड्या डोळ्यांनी पाहत आहे. मग प्रशासनाला ते दिसत नाही का? हा प्रश्न आता प्रत्येक घरातून विचारला जाऊ लागला आहे.

*“धाडस सगळ्यांना जमत नाही… सत्य बोलण्यासाठी जिगर लागते!”*

आज अनेक लोक सत्तेच्या जवळ राहण्यासाठी गप्प बसतात. चुकीच्या गोष्टींवर पांघरूण घालतात. अवैध धंद्यांच्या विरोधात बोलण्याऐवजी “आपल्याला काय करायचं?” अशी भूमिका घेतात. पण आमदार निलेश राणे यांनी मात्र वेगळी वाट निवडली आहे.जिल्ह्यातील अंमली पदार्थांचा वाढता विळखा, विषारी दारूचे कारखाने, समुद्रकिनारी वाढलेली तस्करी, मटका अड्डे, काळ्या काचा असलेल्या गाड्या, दोन नंबरचे व्यवहार — या सगळ्यावर त्यांनी थेट आवाज उठवला.

महत्त्वाचे म्हणजे हा आवाज विरोधी पक्षात बसून नाही, तर सत्तेचा भाग असतानाही उठवला गेला. यालाच खरी राजकीय प्रामाणिकता म्हणतात. चुकीच्या गोष्टींना चुकीचे म्हणण्याची हिंमत ज्याच्यात असते, तोच खरा लोकनेता ठरतो.आज सिंधुदुर्गातील अनेक गावांमध्ये तरुण पिढी नशेच्या गर्तेत अडकताना दिसते. माणगाव, कुडाळ, सावंतवाडी, शिरोडा, आरोंदा आणि समुद्रकिनाऱ्यालगतची अनेक गावे या नशेच्या विळख्यात सापडत आहेत. काही ठिकाणी तर गोवा बनावटीची विषारी दारू तयार होत असल्याचे उघडपणे बोलले जाते. हे वास्तव जनतेला माहीत आहे. मग प्रशासनाला माहीत नसणे अशक्य आहे.

*पोलिस प्रशासनावर थेट बोट… कारण प्रश्न आहे जिल्ह्याच्या भवितव्याचा !*

कोणत्याही जिल्ह्यात कायदा-सुव्यवस्थेची जबाबदारी ही पोलिस अधीक्षकांवर असते. त्यामुळे जिल्ह्यात इतक्या मोठ्या प्रमाणावर अवैध धंदे सुरू असतील, तर त्याची जबाबदारी कोणाची? हा साधा प्रश्न आमदार निलेश राणे यांनी विचारला आहे.अंमली पदार्थांची विक्री, विषारी दारूचे जाळे, मटका अड्डे, अवैध वाहतूक, काळा पैसा — हे सर्व पोलिसांच्या इच्छाशक्तीशिवाय चालू शकत नाही, अशी जनतेत भावना आहे. आमदार राणे यांनी केवळ ती भावना शब्दबद्ध केली आहे.

विशेष म्हणजे त्यांच्या या विधानानंतर अचानक पोलिस प्रशासन हलताना दिसू लागले. काळ्या काचा असलेल्या गाड्यांवर कारवाई सुरू झाली. संशयितांवर धाडी पडू लागल्या. म्हणजेच प्रश्न विचारल्याशिवाय यंत्रणा जागी होत नसेल, तर मग जनतेने कोणावर विश्वास ठेवायचा?

*“पालकमंत्र्यांनाच धाड टाकावी लागते” — यापेक्षा मोठे अपयश कोणते?*

जिल्ह्याची अवस्था किती गंभीर झाली आहे याचे सर्वात मोठे उदाहरण म्हणजे पालकमंत्री नितेश राणे यांनाच मटका अड्ड्यावर धाड टाकावी लागते.ही घटना स्वतःमध्येच पोलिस प्रशासनाच्या निष्क्रियतेवर मोठे प्रश्नचिन्ह उभे करणारी आहे. जर जनप्रतिनिधींनाच प्रत्यक्ष जाऊन कारवाई दाखवावी लागत असेल, तर संबंधित यंत्रणा नेमके काय करत होती?जनतेच्या मनात निर्माण झालेली ही चीड आता उघडपणे बाहेर येत आहे. कारण हा प्रश्न केवळ कायदा-सुव्यवस्थेचा नाही, तर पुढच्या पिढीच्या अस्तित्वाचा आहे.

*तरुणाई वाचवण्यासाठी उभी राहिलेली लढाई !*

नशेच्या आहारी गेलेला तरुण हा फक्त स्वतःचे आयुष्य उद्ध्वस्त करत नाही, तर संपूर्ण कुटुंब उद्ध्वस्त करतो. घरातील कर्ता मुलगा व्यसनाधीन झाला की आई-वडिलांचे स्वप्न संपते. गुन्हेगारी वाढते. चोरी, मारामाऱ्या, अपघात, महिलांवरील अत्याचार अशा घटनांना खतपाणी मिळते.सिंधुदुर्गसारख्या सुसंस्कृत जिल्ह्यात ही परिस्थिती निर्माण होणे अत्यंत वेदनादायक आहे. त्यामुळे या विरोधात आवाज उठवणाऱ्या नेतृत्वाचे कौतुक झालेच पाहिजे.

आमदार निलेश राणे यांनी हा मुद्दा केवळ राजकारण म्हणून घेतलेला नाही, तर सामाजिक जबाबदारी म्हणून उचलला आहे. “तरुणाई वाचली पाहिजे” हा त्यामागचा स्पष्ट संदेश आहे. त्यामुळेच त्यांच्या भूमिकेला सामान्य नागरिकांचा पाठिंबा मिळताना दिसतो.

*सत्य लिहिणाऱ्यांना गप्प बसवण्याचे प्रयत्न… पण भीती कुणाची?*

जिल्ह्यातील अवैध धंद्यांवर सातत्याने लिखाण करणाऱ्या पत्रकार, सामाजिक कार्यकर्ते आणि माध्यमांवर दबाव आणण्याचे प्रयत्न सुरू असल्याच्या चर्चा देखील आता उघडपणे होऊ लागल्या आहेत.

सत्य मांडणाऱ्यांना अडचणीत आणण्यासाठी गुप्त व्यूहरचना आखली जात असल्याची माहिती समोर येत आहे. पण लोकशाहीत सत्य दाबून ठेवण्याचा प्रयत्न जितका होतो, तितक्याच ताकदीने ते बाहेर येत असते.ज्यांनी कोणतेही बेकायदेशीर काम केलेले नाही, त्यांना अशा धमक्यांची भीती नसते. उलट सत्यासाठी लढण्याची ताकद वाढत जाते. आणि हीच भूमिका आज निलेश राणे यांच्यासोबत उभे असलेल्या अनेकांनी घेतली आहे.

*सिंधुदुर्गला हवा आहे कठोर निर्णयांचा धडाका !*

आज केवळ कारवायांचे नाटक करून चालणार नाही. जिल्ह्यातील अवैध धंद्यांचे मूळ उपटून फेकण्यासाठी कठोर मोहीम उभारावी लागेल.

अंमली पदार्थ विक्रेत्यांवर मोक्का सारखे कठोर कायदे लागू झाले पाहिजेत

समुद्रकिनारी वाढणाऱ्या तस्करीवर विशेष पथके तैनात झाली पाहिजेत

विषारी दारू बनवणाऱ्यांवर कठोर गुन्हे दाखल झाले पाहिजेत

पोलिस प्रशासनाची जबाबदारी निश्चित झाली पाहिजे

तरुणांसाठी व्यसनमुक्ती मोहिमा राबवल्या पाहिजेत

हे सर्व घडण्यासाठी राजकीय इच्छाशक्ती लागते. आणि ती इच्छाशक्ती निलेश राणे यांच्या भूमिकेत स्पष्ट दिसून येते.

*जनतेच्या मनातील भावना… “लढणारे नेतृत्व हवे, गप्प बसणारे नाही!”*

आज सिंधुदुर्गातील सामान्य माणूस एका गोष्टीची अपेक्षा करतो — त्याच्या मुलांचे भविष्य सुरक्षित राहावे. गावात शांतता राहावी. व्यसनमुक्त समाज निर्माण व्हावा.

ही अपेक्षा पूर्ण करण्यासाठी जो नेता बिनधास्तपणे व्यवस्थेशी भिडतो, सत्य बोलतो, प्रशासनाला धारेवर धरतो, त्याच्या पाठीशी जनता उभी राहते.आमदार निलेश राणे यांनी पुन्हा एकदा दाखवून दिले आहे की सत्ता म्हणजे केवळ खुर्ची नाही, तर जनतेसाठी लढण्याची जबाबदारी आहे. चुकीच्या गोष्टींवर पांघरूण घालण्याऐवजी त्या उघडपणे मांडण्याचे धाडस त्यांनी दाखवले आहे.

सिंधुदुर्गच्या तरुणाईसाठी, भविष्यासाठी आणि नशामुक्त समाजासाठी सुरू झालेल्या या लढाईत सत्याचा आवाज अधिक बुलंद झाला पाहिजे. कारण अजून वेळ गेलेली नाही… पण वेळ निघून जाण्यापूर्वी जागे होणे अत्यंत गरजेचे आहे.

*सविस्तर बातमीसाठी खालील लिंक वर क्लिक करा…….👇👇👇👇*

 

 

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/GX6edZZhJPuIF8DertMr8J

——————————–

 

💡💡 *लाईट बिल जास्त येते ?* 💡💡

🌠🌠 *सौर उर्जेची वीज निर्मिती कमी झाली?* 🌠🌠

🥰 *काळजी करु नका, आम्ही तुमचं वीज बील भरू !* 😊

 

🤷🏻‍♀️🤷🏻‍♀️🤷🏻‍♀️ *महाराष्ट्रात प्रथमच* 🤷🏻‍♀️🤷🏻‍♀️🤷🏻‍♀️

 

🌞🌞 *पीएम सुर्यघर मोफत वीज योजना* 🌞🌞

 

श्रीराम बोअरवेल प्रस्तुत,

☀️☀️ *श्रीराम सोलर, सावंतवाडी* ☀️☀️

 

🛣️नवीन शिरोडा नाका, माजगाव रोड, सावंतवाडी. पिन – ४१६ ५१०

 

👉👉आमची हमी 🤷🏻‍♀️

 

जर सोलरने कमी युनिट मिळाली, तर उरलेली प्रती युनिट रक्कम थेट MSEB खात्यात जमा करू !

 

🎪☀️ *आमचे लक्ष “घरोघरी मोफत बिजली !”* 🌞🎪

 

☀️💫 *घरगुती सबसिडी ON-GRID* 🌞💫

 

🌞१ किलोवॅट ३०,०००/-

 

🌞२ किलोवॅट ६०,०००/-

 

🌞३ किलोवॅट पासून पुढे ७८,०००/-

 

🎪☀️ *अपार्टमेंट / सोसायटी सबसिडी* 🎪☀️

 

💫₹18,000/- प्रती किलोवॅट

 

💫कमास ५०० ₹90,00,000

 

☀️🌞 *आपण सोलर कुठे बसवू शकता?* ☀️🌞

 

🏘️ घर / अपार्टमेंट

🏬 शाळा / कॉलेज

🏢 हॉटेल

🏭 कंपनी / ऑफीस

🏥 हॉस्पीटल

⛺ नर्सरी

सर्व ठिकाणी सोलर बसवू शकता !

 

🤷🏻‍♀️🤷🏻‍♀️तर आजच अधिक माहितीसाठी आवश्य संपर्क साधा

 

📱0888 999 8824

📱0777 592 1004

 

☀️🌞☀️🌞☀️🌞☀️🌞☀️🌞☀️🌞☀️

________________________________

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Posts by LiveKokan

 

*🖥️ कोकण लाईव्ह ब्रेकिंग*

_अचूक बातमी थेट हल्ला_