🛑विकासाच्या नव्या पर्वाची ऐतिहासिक सुरुवात.

*🛑विकासाच्या नव्या पर्वाची ऐतिहासिक सुरुवात.*

 

*🛑रत्नागिरी–सिंधुदुर्गात उद्योग,रोजगार आणि समृद्धीची नवी पहाट.*

 

*🛑पालकमंत्री नितेश राणे यांच्या सातत्यपूर्ण पाठपुराव्याला आले यश.*

 

*🎥 KOKAN LIVE BREAKING ||NEWS CHANNEL*

 

*✍️ संपादकीय : सीताराम गावडे*

 

*🎴सिंधुदुर्ग, दि- २०:-* कोकण म्हटलं की डोळ्यासमोर उभा राहतो निसर्गरम्य समुद्रकिनारा, हिरवीगार डोंगररांग, आंबा–काजूची बागायती आणि साधीभोळी माणसं. पण याच कोकणाला अनेक दशकांपासून एक वेदना सतावत होती — बेरोजगारीची. शिक्षण घेऊनही रोजगारासाठी हजारो युवकांना मुंबई–पुण्याकडे धाव घ्यावी लागत होती. गावात शेती मर्यादित, उद्योगधंदे अपुरे आणि संधींचा अभाव असल्याने कोकणातील तरुणाई मोठ्या शहरांकडे स्थलांतरित होत होती. मात्र आता हे चित्र बदलण्याची वेळ आली आहे.

रत्नागिरी आणि सिंधुदुर्ग जिल्ह्यांसाठी अत्यंत महत्त्वाचा आणि ऐतिहासिक असा अणुऊर्जा व ऊर्जा प्रकल्पाचा मार्ग मोकळा होत असून कोकण आता देशाच्या ऊर्जा नकाशावर ठळकपणे झळकणार आहे. मुख्यमंत्री देवेंद्र फडणवीस यांच्या उपस्थितीत अदानी पॉवर, रीलॅन्स इंडस्ट्रीज आणि एन टी पी सी यांच्यासोबत झालेल्या करारामुळे सिंधुदुर्ग आणि रत्नागिरी जिल्ह्यात तब्बल १०,००० कोटी रुपयांची गुंतवणूक होणार असल्याची घोषणा ही केवळ आर्थिक बातमी नाही, तर कोकणच्या भवितव्याला नवी दिशा देणारा निर्णायक टप्पा आहे.

देवगड परिसरात उभारण्यात येणारा भव्य अणुऊर्जा प्रकल्प हा केवळ विजनिर्मितीचा प्रकल्प राहणार नाही, तर तो संपूर्ण कोकणच्या आर्थिक परिवर्तनाचा केंद्रबिंदू ठरणार आहे. उद्योग आले की रोजगार येतो, रोजगार आला की बाजारपेठ वाढते, आणि बाजारपेठ वाढली की गावांचा चेहरामोहरा बदलतो. हीच विकासाची साखळी आता सिंधुदुर्गात सुरू होताना दिसत आहे.

आज कोकणातील सर्वात मोठी समस्या म्हणजे रोजगाराचा

अभाव. लाखो तरुण पदवीधर होतात; पण नोकरीसाठी त्यांना मुंबई, पुणे, ठाणे, नाशिक किंवा परराज्यात जावे लागते. अनेक कुटुंबे तुटली, गावं ओस पडली, शेतीकडे दुर्लक्ष झाले. कोकणातील बुद्धिमान तरुणांची ताकद इतर शहरांच्या विकासासाठी वापरली गेली; पण स्वतःचा जिल्हा मात्र मागे राहिला. आता हा अन्याय थांबवण्याची संधी निर्माण झाली आहे.या ऊर्जा प्रकल्पामुळे थेट आणि अप्रत्यक्ष मिळून हजारो रोजगार निर्माण होणार आहेत. अभियंते, तंत्रज्ञ, कार्यालयीन कर्मचारी, सुरक्षा कर्मचारी, वाहनचालक, बांधकाम क्षेत्रातील कामगार, हॉटेल व्यवसाय, पर्यटन, वाहतूक, किरकोळ व्यापार अशा अनेक क्षेत्रांना मोठी चालना मिळणार आहे. एका मोठ्या प्रकल्पाभोवती शेकडो छोटे व्यवसाय उभे राहतात. त्यामुळे केवळ नोकऱ्याच नव्हे, तर स्वयंरोजगाराच्या असंख्य संधीही उपलब्ध होणार आहेत.

विशेष म्हणजे या विकास प्रक्रियेमुळे “मुंबई–पुण्याकडे जाण्याचा ओघ” मोठ्या प्रमाणात कमी होऊ शकतो. आतापर्यंत *“नोकरीसाठी गाव सोडा” ही वेळ कोकणातील युवकांवर होती; पण आता “गावातच रोजगार” ही संकल्पना वास्तवात उतरण्याची चिन्हे दिसत आहेत*. आपल्या मातीत राहून, आपल्या कुटुंबासोबत राहून युवकांना रोजगार मिळणे हीच खरी प्रगती आहे.या संपूर्ण प्रक्रियेत सिंधुदुर्गचे पालकमंत्री नितेश राणे यांनी घेतलेला पुढाकार विशेष उल्लेखनीय आहे. कोकणात उद्योग यावेत, रोजगारनिर्मिती व्हावी, स्थानिक युवकांना संधी मिळावी यासाठी त्यांनी सातत्याने पाठपुरावा केला. केवळ राजकारण न करता विकासाच्या मुद्द्यावर काम करणारे नेतृत्व म्हणून त्यांनी स्वतःची वेगळी ओळख निर्माण केली आहे. जिल्ह्यात रस्ते, पर्यटन, मत्स्यव्यवसाय, कृषी प्रक्रिया उद्योग यांसोबत आता ऊर्जा क्षेत्रातील मोठी गुंतवणूक आणण्यात त्यांचा सहभाग महत्त्वाचा मानला जात आहे.

कोणताही मोठा प्रकल्प उभा राहताना काही प्रश्न उपस्थित होतात. पर्यावरण, स्थानिकांचा सहभाग, जमीन, सुरक्षितता अशा विषयांवर चर्चा होणे स्वाभाविक आहे. मात्र विकास आणि पर्यावरण यामध्ये संतुलन राखत, स्थानिकांना विश्वासात घेऊन, पारदर्शकपणे प्रकल्प राबवले तर कोकणच्या विकासाला कोणीही रोखू शकणार नाही. आज जग ऊर्जा क्षेत्रात मोठ्या परिवर्तनातून जात आहे. भारतालाही भविष्यातील ऊर्जेची गरज भागवण्यासाठी मोठे प्रकल्प आवश्यक आहेत. त्या पार्श्वभूमीवर कोकण ऊर्जा क्षेत्राचे केंद्र बनणे ही अभिमानाची बाब आहे.

सिंधुदुर्ग आणि रत्नागिरी जिल्हे आता केवळ पर्यटन जिल्हे म्हणून नव्हे, तर औद्योगिक आणि ऊर्जा क्षेत्रातील सक्षम जिल्हे म्हणून पुढे येऊ शकतात. यामुळे शिक्षणसंस्था, तांत्रिक प्रशिक्षण केंद्रे, नवीन रस्ते, बंदरे, दळणवळण सुविधा, आरोग्य व्यवस्था यांचाही विकास वेगाने होईल. म्हणजेच हा प्रकल्प फक्त विजनिर्मितीपुरता मर्यादित न राहता संपूर्ण सामाजिक–आर्थिक परिवर्तन घडवू शकतो.

कोकणातील युवकांच्या डोळ्यात आज आशेचा किरण दिसत आहे. “आपल्या जिल्ह्यातही मोठे उद्योग येऊ शकतात”,“आपल्यालाही चांगली नोकरी मिळू शकते”, “आपले गावही विकसित होऊ शकते” हा विश्वास निर्माण होणे हेच या निर्णयाचे सर्वात मोठे यश आहे.

आजपर्यंत कोकणाकडे केवळ निसर्गसंपन्न भाग म्हणून पाहिले जात होते; पण आता हा प्रदेश देशाच्या विकासात मोठा वाटा उचलण्यासाठी सज्ज होत आहे. ऊर्जा, उद्योग, रोजगार आणि विकास यांचा संगम घडवणारे हे नवे पर्व कोकणच्या इतिहासात सुवर्णाक्षरांनी लिहिले जाईल यात शंका नाही.

“सुजलाम–सुफलाम सिंधुदुर्ग” हे स्वप्न आता प्रत्यक्षात उतरू लागले आहे. रोजगारासाठी घरदार सोडून जाणाऱ्या युवकांच्या हाताला आता आपल्या मातीतच काम मिळण्याची आशा निर्माण झाली आहे. यासाठी राज्य शासन, मुख्यमंत्री देवेंद्र फडणवीस आणि पालकमंत्री नितेश राणे यांचे निश्चितच कौतुक करावे लागेल.कोकण बदलतोय… आणि हा बदल केवळ घोषणांमध्ये नाही, तर विकासाच्या ठोस पावलांमध्ये दिसू लागला आहे.

*सविस्तर बातमीसाठी खालील लिंक वर क्लिक करा…….👇👇👇👇*

 

 

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/GX6edZZhJPuIF8DertMr8J

——————————–

 

💡💡 *लाईट बिल जास्त येते ?* 💡💡

🌠🌠 *सौर उर्जेची वीज निर्मिती कमी झाली?* 🌠🌠

🥰 *काळजी करु नका, आम्ही तुमचं वीज बील भरू !* 😊

 

🤷🏻‍♀️🤷🏻‍♀️🤷🏻‍♀️ *महाराष्ट्रात प्रथमच* 🤷🏻‍♀️🤷🏻‍♀️🤷🏻‍♀️

 

🌞🌞 *पीएम सुर्यघर मोफत वीज योजना* 🌞🌞

 

श्रीराम बोअरवेल प्रस्तुत,

☀️☀️ *श्रीराम सोलर, सावंतवाडी* ☀️☀️

 

🛣️नवीन शिरोडा नाका, माजगाव रोड, सावंतवाडी. पिन – ४१६ ५१०

 

👉👉आमची हमी 🤷🏻‍♀️

 

जर सोलरने कमी युनिट मिळाली, तर उरलेली प्रती युनिट रक्कम थेट MSEB खात्यात जमा करू !

 

🎪☀️ *आमचे लक्ष “घरोघरी मोफत बिजली !”* 🌞🎪

 

☀️💫 *घरगुती सबसिडी ON-GRID* 🌞💫

 

🌞१ किलोवॅट ३०,०००/-

 

🌞२ किलोवॅट ६०,०००/-

 

🌞३ किलोवॅट पासून पुढे ७८,०००/-

 

🎪☀️ *अपार्टमेंट / सोसायटी सबसिडी* 🎪☀️

 

💫₹18,000/- प्रती किलोवॅट

 

💫कमास ५०० ₹90,00,000

 

☀️🌞 *आपण सोलर कुठे बसवू शकता?* ☀️🌞

 

🏘️ घर / अपार्टमेंट

🏬 शाळा / कॉलेज

🏢 हॉटेल

🏭 कंपनी / ऑफीस

🏥 हॉस्पीटल

⛺ नर्सरी

सर्व ठिकाणी सोलर बसवू शकता !

 

🤷🏻‍♀️🤷🏻‍♀️तर आजच अधिक माहितीसाठी आवश्य संपर्क साधा

 

📱0888 999 8824

📱0777 592 1004

 

☀️🌞☀️🌞☀️🌞☀️🌞☀️🌞☀️🌞☀️

________________________________

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Tweets by LiveKokan

 

*🖥️ कोकण लाईव्ह ब्रेकिंग*

_अचूक बातमी थेट हल्ला_