🛑‘मिनी काश्मीर’वर भूमाफियांचा डोळा!

*🛑‘मिनी काश्मीर’वर भूमाफियांचा डोळा!*

 

*🛑शिरशिंगेतील अब्जावधींची सामाईक जमीन हडपण्याचा आरोप; २० मेची मोजणी उधळून लावण्याचा ग्रामस्थांचा इशारा.*

 

*🎥 KOKAN LIVE BREAKING ||NEWS CHANNEL*

 

*✍️ ब्युरो न्युज : कोकण लाईव्ह ब्रेकिंग*

 

*🎴सावंतवाडी, दि- १६:-* सह्याद्रीच्या कुशीत वसलेले आणि सिंधुदुर्ग जिल्ह्याचे ‘मिनी काश्मीर’ म्हणून ओळखले जाणारे शिरशिंगे गाव सध्या एका गंभीर जमीन प्रकरणामुळे चर्चेत आले आहे. गावातील जैवविविधतेने नटलेल्या अब्जावधी रुपयांच्या सामाईक जमिनीवर भूमाफियांचा डोळा असून, काही धनाढ्य दलाल आणि महसूल विभागातील अधिकाऱ्यांच्या संगनमतातून ही जमीन बेकायदेशीररीत्या हडपण्याचा डाव रचला जात असल्याचा खळबळजनक आरोप ग्रामस्थांनी केला आहे.

गावातील सर्व्हे नं. ३२, ३३, ३४, २० आणि ९९ मधील सामाईक जमिनींची संशयास्पद खरेदी-विक्री सुरू असल्याचा दावा करत ग्रामस्थांनी प्रशासनाविरोधात तीव्र संताप व्यक्त केला आहे. याच पार्श्वभूमीवर दि. २० मे २०२६ रोजी प्रस्तावित करण्यात आलेली जमीन मोजणी कोणत्याही परिस्थितीत होऊ देणार नाही, असा निर्धार ग्रामस्थ, तरुण आणि चाकरमान्यांनी व्यक्त केला आहे.

*८५० हून अधिक सहभागधारकांची सामाईक मालमत्ता धोक्यात*

शिरशिंगे गावातील सर्व्हे नं. ३२/१/ब हा आकाराने सर्वात मोठा भाग असून त्याचे क्षेत्र तब्बल ६९१.८५.०० हेक्टर आर इतके विस्तृत आहे. या जमिनीवर सुमारे ८५० हून अधिक सहभागधारकांची सामाईक आणि अविभक्त मालकी आहे. कोल्हापूर जिल्ह्यातील कितवडे गावाच्या सीमेलगत आणि गेळे-कावळेसाद पॉईंट परिसरात असलेली ही जमीन घनदाट जंगल, जैवविविधता आणि नैसर्गिक सौंदर्याने परिपूर्ण असल्याने तिची बाजारातील किंमत प्रचंड असल्याचे सांगितले जात आहे.

याच मोक्याच्या आणि पर्यटनदृष्ट्या महत्त्वाच्या जमिनीवर आता बाहेरील दलाल आणि एजंटांनी डोळा ठेवला असून, गरीब आणि अशिक्षित शेतकऱ्यांना पैशांचे आमिष दाखवून जमिनीचे व्यवहार सुरू केल्याचा गंभीर आरोप करण्यात आला आहे.

*“कायद्याला हरताळ फासून खरेदीखते”*

ग्रामस्थांच्या म्हणण्यानुसार, सामाईक मालकीच्या जमिनीतील व्यवहार करताना इतर सहभागधारकांना कोणतीही पूर्वसूचना, नोटीस किंवा कायदेशीर माहिती देण्यात आलेली नाही. महसूल खात्याकडून नियम धाब्यावर बसवून खरेदीखते नोंदवली जात असल्याचा आरोप निवेदनात करण्यात आला आहे.

या प्रकरणात महसूल विभागातील काही अधिकारी आणि एजंट यांचे संगनमत असल्याचा थेट आरोप ग्रामस्थांनी केला असून, “पैशाच्या जोरावर कायद्याच्या पळवाटा शोधून सामाईक संपत्ती लाटण्याचा प्रयत्न सुरू आहे,” असा संतप्त सूर ग्रामस्थांनी व्यक्त केला.

*२० मे रोजी संघर्ष अटळ?*

दि. २० मे रोजी प्रस्तावित करण्यात आलेल्या जमीन मोजणीला संपूर्ण गावातून तीव्र विरोध होत आहे. गावात झालेल्या बैठकीत ग्रामस्थांनी एकमुखी ठराव घेत, “ही मोजणी कोणत्याही परिस्थितीत होऊ देणार नाही,” असा इशारा दिला आहे.

गावात बाहेरील एजंट, दलाल आणि संबंधित व्यक्तींना प्रवेश रोखण्याचा निर्णयही घेण्यात आला आहे. तसेच या प्रकरणामागे नेमके कोण आहे, याचा शोध घेऊन संपूर्ण घोटाळा उघड करण्याचा निर्धार ग्रामस्थांनी व्यक्त केला.

*चाकरमान्यांना गावात येण्याचे आवाहन*

या संघर्षात गाव एकवटले असून, मुंबई, पुणे आणि इतर शहरांमध्ये वास्तव्यास असलेल्या चाकरमान्यांनी मोठ्या संख्येने गावात उपस्थित राहावे, असे आवाहन करण्यात आले आहे. “ही केवळ जमीन नाही, तर गावाची ओळख, पर्यावरण आणि पुढील पिढ्यांचे अस्तित्व वाचविण्याची लढाई आहे,” अशी भावना ग्रामस्थांनी व्यक्त केली.

तहसीलदारांना निवेदन सादर

या संदर्भात शिरशिंगे ग्रामस्थांच्या शिष्टमंडळाने सावंतवाडीचे तहसीलदार श्रीधर पाटील यांची भेट घेऊन सविस्तर निवेदन सादर केले. यावेळी विद्यमान सरपंच दीपक राऊळ, माजी सरपंच नारायण राऊळ, माजी उपसरपंच पांडुरंग राऊळ, जीवन लाड, सामाजिक कार्यकर्ते गणपत राणे, गजानन राऊळ, रामचंद्र भिंगारे, चंद्रकांत परब, अमित राऊळ यांच्यासह मोठ्या संख्येने ग्रामस्थ उपस्थित होते.

आता प्रशासन या प्रकरणात नेमकी कोणती भूमिका घेते, प्रस्तावित मोजणी होते की ग्रामस्थांच्या रोषामुळे स्थगित होते, याकडे संपूर्ण सावंतवाडी तालुक्याचे लक्ष लागले आहे.

*सविस्तर बातमीसाठी खालील लिंक वर क्लिक करा…….👇👇👇👇*

 

 

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/GX6edZZhJPuIF8DertMr8J

——————————–

 

💡💡 *लाईट बिल जास्त येते ?* 💡💡

🌠🌠 *सौर उर्जेची वीज निर्मिती कमी झाली?* 🌠🌠

🥰 *काळजी करु नका, आम्ही तुमचं वीज बील भरू !* 😊

 

🤷🏻‍♀️🤷🏻‍♀️🤷🏻‍♀️ *महाराष्ट्रात प्रथमच* 🤷🏻‍♀️🤷🏻‍♀️🤷🏻‍♀️

 

🌞🌞 *पीएम सुर्यघर मोफत वीज योजना* 🌞🌞

 

श्रीराम बोअरवेल प्रस्तुत,

☀️☀️ *श्रीराम सोलर, सावंतवाडी* ☀️☀️

 

🛣️नवीन शिरोडा नाका, माजगाव रोड, सावंतवाडी. पिन – ४१६ ५१०

 

👉👉आमची हमी 🤷🏻‍♀️

 

जर सोलरने कमी युनिट मिळाली, तर उरलेली प्रती युनिट रक्कम थेट MSEB खात्यात जमा करू !

 

🎪☀️ *आमचे लक्ष “घरोघरी मोफत बिजली !”* 🌞🎪

 

☀️💫 *घरगुती सबसिडी ON-GRID* 🌞💫

 

🌞१ किलोवॅट ३०,०००/-

 

🌞२ किलोवॅट ६०,०००/-

 

🌞३ किलोवॅट पासून पुढे ७८,०००/-

 

🎪☀️ *अपार्टमेंट / सोसायटी सबसिडी* 🎪☀️

 

💫₹18,000/- प्रती किलोवॅट

 

💫कमास ५०० ₹90,00,000

 

☀️🌞 *आपण सोलर कुठे बसवू शकता?* ☀️🌞

 

🏘️ घर / अपार्टमेंट

🏬 शाळा / कॉलेज

🏢 हॉटेल

🏭 कंपनी / ऑफीस

🏥 हॉस्पीटल

⛺ नर्सरी

सर्व ठिकाणी सोलर बसवू शकता !

 

🤷🏻‍♀️🤷🏻‍♀️तर आजच अधिक माहितीसाठी आवश्य संपर्क साधा

 

📱0888 999 8824

📱0777 592 1004

 

☀️🌞☀️🌞☀️🌞☀️🌞☀️🌞☀️🌞☀️

________________________________

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Tweets by LiveKokan

 

*🖥️ कोकण लाईव्ह ब्रेकिंग*

_अचूक बातमी थेट हल्ला_