🛑अनधिकृत उत्खननाचा स्फोटक मुद्दा : पोलिस प्रशासनाची भूमिका संशयाच्या भोवऱ्यात!

*🛑अनधिकृत उत्खननाचा स्फोटक मुद्दा : पोलिस प्रशासनाची भूमिका संशयाच्या भोवऱ्यात!*

 

*🛑“कायद्याचा धाक संपला की माफियांचा उदय होतो”*

 

*🛑सावंतवाडी तालुक्यातील सर्वच क्रशरची इटीएस मोजणी तात्काळ करावी.*

 

*🎥 KOKAN LIVE BREAKING ||NEWS CHANNEL*

 

*✍️ संपादकीय : सीताराम गावडे*

 

*🎴सावंतवाडी, दि- १३:-* सावंतवाडी तालुक्यातील वेत्ये येथील कथित अनधिकृत उत्खनन प्रकरणाने आता केवळ महसूल अथवा पर्यावरणाचा प्रश्न राहिलेला नाही, तर तो थेट कायदा-सुव्यवस्था, प्रशासनाची विश्वासार्हता आणि सामान्य नागरिकांच्या सुरक्षेशी संबंधित गंभीर विषय बनला आहे. तक्रारदार महेश सावंत यांनी केलेले आरोप जर खरे असतील, तर ही घटना केवळ एका व्यक्तीवर झालेल्या मारहाणीची नसून संपूर्ण यंत्रणेलाच काळिमा फासणारी ठरू शकते.

एका बाजूला हजारो ब्रास उत्खनन करून शासनाच्या नियमांची पायमल्ली होत असल्याचे आरोप होत आहेत, तर दुसऱ्या बाजूला अशा प्रकारांवर आवाज उठवणाऱ्यांनाच धमक्या, मारहाण आणि जीव घेण्याच्या इशाऱ्यांना सामोरे जावे लागत असल्याचे चित्र उभे राहत आहे. सर्वात गंभीर बाब म्हणजे, “पोलीसांना पैसे देऊन गंभीर गुन्हे टाळले” असा आरोप थेट पोलिस यंत्रणेवर करण्यात येत आहे. हा आरोप केवळ एका व्यक्तीचा रोष नाही; तर सामान्य माणसाच्या मनात निर्माण झालेला अविश्वास आहे.

*खुनाच्या प्रयत्नाचा आरोप; मग सौम्य गुन्हेच का?*

तक्रारदाराच्या म्हणण्यानुसार, ईटीएस मोजणीदरम्यान काळा दगड उचलून ठार मारण्याचा प्रयत्न झाला, व्हिडीओ पुरावे उपलब्ध आहेत, मंडळ अधिकाऱ्यांचे जबाब आहेत; मग प्रश्न उपस्थित होतो — जर एवढे पुरावे उपलब्ध असतील तर खुनाच्या प्रयत्नासारखी गंभीर कलमे का लावली गेली नाहीत?

सामान्य नागरिकाने एखाद्या वादात कठोर शब्द वापरले तरी पोलिस तत्परतेने कारवाई करतात. मात्र येथे जीवघेण्या धमक्या, गाडी अंगावर घालण्याचे इशारे, रस्त्यात अडवणे, मोबाईल फेकून देणे, मारहाण असे गंभीर आरोप असताना पोलिसांनी सौम्य गुन्ह्यांवर समाधान का मानले?

यामुळे संशय अधिकच गडद होतो. कायद्याचे पालन करणाऱ्या नागरिकांच्या मनात प्रश्न निर्माण होतो की, “पैसा आणि दबाव असेल तर कायद्यालाही वाकवता येते का?” हा प्रश्न पोलिस प्रशासनासाठी अत्यंत लाजिरवाणा आहे.

*क्रशर व्यवसाय की पर्यावरणाचा विनाश?*

आज जिल्ह्यात अनेक ठिकाणी स्टोन क्रशर आणि उत्खनन व्यवसाय मोठ्या प्रमाणावर सुरू आहे. काही क्रशर मालक नियमांचे पालन करतातही; मात्र अनेक ठिकाणी वास्तव वेगळे आहे. ५०० ब्रासची परवानगी घेऊन प्रत्यक्षात हजारो ब्रास उत्खनन केले जाते, अशी चर्चा गावागावात उघडपणे होते.

धुळीचे साम्राज्य, ध्वनी प्रदूषण, रस्त्यांची दुर्दशा, वाहतुकीचा त्रास, फुफ्फुसांचे आणि कानांचे आजार — या सर्वांचा सामना स्थानिक नागरिकांना करावा लागतो. उत्खनन क्षेत्राभोवती ग्रीन नेट लावणे, रस्त्यावर नियमित पाणी मारणे, ध्वनी नियंत्रण ठेवणे हे नियम केवळ कागदावरच राहिले आहेत.

महसूल विभाग, प्रदूषण नियंत्रण मंडळ, ग्रामपंचायत, स्थानिक प्रशासन — सगळे एकमेकांकडे बोट दाखवतात. “परवानगी वरून मिळते” असे सांगून स्थानिक अधिकारी हात झटकतात. मग प्रश्न पडतो, स्थानिक प्रशासनाचे अस्तित्व नेमके कशासाठी? नागरिकांच्या आरोग्याचे आणि पर्यावरणाचे संरक्षण करण्याची जबाबदारी कोणाची?

*ईटीएस मोजणी सर्व क्रशरची झालीच पाहिजे*

आज वेत्येतील प्रकरणामुळे एक मोठा मुद्दा पुढे आला आहे — जिल्ह्यातील सर्व क्रशरची ईटीएस मोजणी झाली पाहिजे. यामुळे “दूध का दूध आणि पाणी का पाणी” होईल.

जर एखादा तक्रारदार खोटी माहिती देत असेल, खंडणी मागत असेल किंवा चुकीच्या हेतूने आरोप करत असेल, तर त्याच्यावरही कायदेशीर कारवाई व्हायलाच हवी. पण त्यासाठी कायदा आहे, न्यायव्यवस्था आहे. कायदा हातात घेऊन मारहाण करणे, धमक्या देणे, वाहन अडवणे, दहशत निर्माण करणे — हे कोणत्याही परिस्थितीत योग्य ठरू शकत नाही.लोकशाहीत संघर्ष सनदशीर मार्गाने लढले जातात. अन्यथा समाजात जंगलराज निर्माण होण्यास वेळ लागणार नाही.

*“बिहार पॅटर्न” सावंतवाडीत चालणार नाही*

गाडी दोन्ही बाजूंनी अडवणे, मोबाईल हिसकावून फेकणे, मारहाण करणे, धमक्या देणे — ही पद्धत महाराष्ट्राच्या संस्कृतीला शोभणारी नाही. ही प्रवृत्ती जर वेळीच रोखली नाही, तर उद्या कोणताही सामान्य नागरिक आवाज उठवण्यास धजावणार नाही.

राजकीय पक्षांनीही अशा प्रवृत्तीला पाठीशी घालू नये. “माझा माणूस” म्हणून गुन्हेगारांना संरक्षण दिले गेले तर समाजात चुकीचा संदेश जातो. सावंतवाडीसारख्या शांत शहरात दहशतीचे वातावरण निर्माण करणाऱ्यांना कोणत्याही पक्षाने आश्रय देऊ नये.

*पोलिस प्रशासनाने विश्वास परत मिळवावा*

आज सर्वात मोठे आव्हान पोलिस प्रशासनासमोर आहे. जनतेचा विश्वास डळमळीत झाला आहे. त्यामुळे या प्रकरणाची निष्पक्ष चौकशी होणे अत्यावश्यक आहे. उपलब्ध व्हिडीओ, साक्षीदारांचे जबाब, ईटीएस अहवाल, धमक्यांचे पुरावे — या सर्वांची सखोल तपासणी झाली पाहिजे.

जर आरोपी दोषी असतील तर कठोर कारवाई झाली पाहिजे. आणि जर तक्रारी खोट्या असतील तर तेही स्पष्टपणे जनतेसमोर आले पाहिजे. पण तपास पारदर्शक असला पाहिजे; अन्यथा “पैशाच्या जोरावर सर्व काही दाबले जाते” हा समज अधिक बळावेल.अति करणाऱ्यांचा इतिहास कधीच टिकलेला नाही सावंतवाडी ही परंपरा, संस्कृती आणि न्यायप्रियतेची भूमी आहे. येथे सत्ता, पैसा किंवा दहशत यांच्या बळावर फार काळ कोणी टिकलेला नाही. इतिहास साक्षी आहे — अति करणारे शेवटी मातीमोल झाले आहेत.

भगवंताच्या काठीचा आवाज होत नाही; पण तिचा मार मात्र अचूक बसतो. त्यामुळे संबंधितांनी कायद्याचा आणि समाजाच्या संयमाचा अंत पाहू नये.

महेश सावंत असोत, साई कल्याणकर असोत किंवा क्रशर मालक — कोणीही कायद्यापेक्षा मोठे नाही. संघर्ष असेल तर तो न्यायालयात, प्रशासनात आणि लोकशाही मार्गाने व्हायला हवा. हिंसा, धमक्या आणि दबावाच्या राजकारणाला या जिल्ह्यात स्थान मिळता कामा नये.

*आता निर्णय प्रशासनाने घ्यायचा आहे*

१५ मे रोजी उपोषणाचा इशारा देण्यात आला आहे. त्याआधी प्रशासनाने या प्रकरणाची गांभीर्याने दखल घेणे गरजेचे आहे. अन्यथा हा प्रश्न केवळ एका गावापुरता मर्यादित राहणार नाही; तर संपूर्ण जिल्ह्यातील उत्खनन, प्रदूषण आणि प्रशासनातील संशयास्पद भूमिकेवर मोठे आंदोलन उभे राहू शकते.

जनतेला विकास हवा आहे; पण विनाशाच्या बदल्यात नाही. रोजगार हवा आहे; पण दहशतीच्या बदल्यात नाही. आणि सर्वात महत्त्वाचे म्हणजे — न्याय हवा आहे, तोही निष्पक्ष आणि निर्भीड.

*सविस्तर बातमीसाठी खालील लिंक वर क्लिक करा…….👇👇👇👇*

 

 

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/GX6edZZhJPuIF8DertMr8J

——————————–

 

💡💡 *लाईट बिल जास्त येते ?* 💡💡

🌠🌠 *सौर उर्जेची वीज निर्मिती कमी झाली?* 🌠🌠

🥰 *काळजी करु नका, आम्ही तुमचं वीज बील भरू !* 😊

 

🤷🏻‍♀️🤷🏻‍♀️🤷🏻‍♀️ *महाराष्ट्रात प्रथमच* 🤷🏻‍♀️🤷🏻‍♀️🤷🏻‍♀️

 

🌞🌞 *पीएम सुर्यघर मोफत वीज योजना* 🌞🌞

 

श्रीराम बोअरवेल प्रस्तुत,

☀️☀️ *श्रीराम सोलर, सावंतवाडी* ☀️☀️

 

🛣️नवीन शिरोडा नाका, माजगाव रोड, सावंतवाडी. पिन – ४१६ ५१०

 

👉👉आमची हमी 🤷🏻‍♀️

 

जर सोलरने कमी युनिट मिळाली, तर उरलेली प्रती युनिट रक्कम थेट MSEB खात्यात जमा करू !

 

🎪☀️ *आमचे लक्ष “घरोघरी मोफत बिजली !”* 🌞🎪

 

☀️💫 *घरगुती सबसिडी ON-GRID* 🌞💫

 

🌞१ किलोवॅट ३०,०००/-

 

🌞२ किलोवॅट ६०,०००/-

 

🌞३ किलोवॅट पासून पुढे ७८,०००/-

 

🎪☀️ *अपार्टमेंट / सोसायटी सबसिडी* 🎪☀️

 

💫₹18,000/- प्रती किलोवॅट

 

💫कमास ५०० ₹90,00,000

 

☀️🌞 *आपण सोलर कुठे बसवू शकता?* ☀️🌞

 

🏘️ घर / अपार्टमेंट

🏬 शाळा / कॉलेज

🏢 हॉटेल

🏭 कंपनी / ऑफीस

🏥 हॉस्पीटल

⛺ नर्सरी

सर्व ठिकाणी सोलर बसवू शकता !

 

🤷🏻‍♀️🤷🏻‍♀️तर आजच अधिक माहितीसाठी आवश्य संपर्क साधा

 

📱0888 999 8824

📱0777 592 1004

 

☀️🌞☀️🌞☀️🌞☀️🌞☀️🌞☀️🌞☀️

________________________________

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Tweets by LiveKokan

 

*🖥️ कोकण लाईव्ह ब्रेकिंग*

_अचूक बातमी थेट हल्ला_