🛑काजूला हमीभाव द्या, नाहीतर उभा राहील शेतकरी संघर्ष! — सिंधुदुर्ग फळबागायतदार संघाने मांडली आमदार निलेश राणें जवळ कैफियत

*🛑काजूला हमीभाव द्या, नाहीतर उभा राहील शेतकरी संघर्ष! — सिंधुदुर्ग फळबागायतदार संघाने मांडली आमदार निलेश राणें जवळ कैफियत*

 

*🛑येत्या अर्थसंकल्पीय अधिवेशनात यावर सकारात्मक चर्चा घडवून आणून तोडगा काढण्याचे आश्वासन.*

 

*🎥 KOKAN LIVE BREAKING ||NEWS CHANNEL*

 

*✍️ ब्युरो न्युज : कोकण लाईव्ह ब्रेकिंग*

 

*🎴कुडाळ, दि- १७:-* सिंधुदुर्गातील काजू, नारळ, सुपारी, आंबा उत्पादक शेतकऱ्यांच्या गंभीर प्रश्नांवर तातडीने निर्णय न घेतल्यास जिल्ह्यातील शेतकरी आर्थिक विवंचनेत सापडेल,या साठी काजू बी ला हमीभाव मिळावा अशी मागणी फळबागायतदार व शेतकरी संघाने आमदार निलेश राणे यांच्या कडे निवेदनाद्वारे केली आहे. संघटनेचे अध्यक्ष श्री. विलास सोमा सावंत, श्री संजय देसाई अध्यक्ष दोडामार्ग शेतकरी संघ आकाश नरसुले प्रगतशील शेतकरी कुडासे .यांनी कुडाळ-मालवण मतदारसंघाचे आमदार निलेश राणे यांना सविस्तर निवेदन सादर केले.

गेल्या अनेक वर्षांपासून निवेदने, चर्चा व आंदोलने करूनही लोकप्रतिनिधींनी उदासीनता दाखविल्याने शेतकऱ्यांच्या समस्या अधिकच गंभीर झाल्या असल्याचा आरोप संघटनेने केला आहे.

*काजूला जीआय मानांकन, पण दर मात्र तोट्याचा!*

सिंधुदुर्गच्या काजूला जागतिक दर्जाचे जी.आय. मानांकन मिळाले आहे. उत्पादन खर्च प्रतिकिलो १२९.५० रुपये असल्याचे डॉ. बाळासाहेब सावंत कृषी महाविद्यालय दापोली यांनी २०२१ मध्ये स्पष्ट केले आहे. मात्र त्यापेक्षा कमी दर मिळत असल्याने शेतकरी नव्या लागवडीस अनुत्सुक आहे.

दरम्यान, गोवा शासन यांनी फेब्रुवारी २०२५ पासून काजूला प्रतिकिलो १७० रुपये हमीभाव जाहीर करून खरेदी सुरू केली आहे. त्याच धर्तीवर सिंधुदुर्गालाही हमीभाव मिळावा, अशी ठाम मागणी करण्यात आली आहे.

काजू प्रक्रियाक्षमतेत वाढ करण्याबाबत Cashew Export Promotion Council of India नेही १६.४३ लाख मेट्रिक टन क्षमतेवरून २२.५० लाख मेट्रिक टनपर्यंत वाढ आवश्यक असल्याचे नमूद केले आहे. मात्र परदेशातून निकृष्ट काजू आयात होऊन भारतात प्रक्रिया केली जात असल्याने निर्यातीत घट झाली आहे. अमेरिका, जर्मनी, फ्रान्स, जपानसारख्या देशांतील ग्राहक दुरावल्याची खंत व्यक्त करण्यात आली.

परदेशी काजू बीवर किमान २०% आयात शुल्क लावण्याची मागणीही संघटनेने केली आहे.

काजू बोंडूपासून वाईनला परवानगी द्या दरवर्षी लाखो टन काजू बोंडू वाया जात असून शेकडो कोटींचे नुकसान होत आहे. महाराष्ट्रात इतर फळांपासून वाईनला परवानगी असताना काजू बोंडूपासून वाईन व फेणी निर्मितीस परवानगी द्यावी, अशी मागणी करण्यात आली आहे. त्यामुळे स्थानिक युवकांना रोजगार उपलब्ध होईल, असा विश्वास संघटनेने व्यक्त केला.

शेकरू, माकड, निलगायींचा हैदोस; नुकसानभरपाई तुटपुंजी

Indian giant squirrel (शेकरू), माकड व निलगायी यांच्यामुळे बागायतींचे प्रचंड नुकसान होत असून नुकसानभरपाई अत्यंत अपुरी व क्लिष्ट प्रक्रियेनंतर मिळते. प्रति नारळ अवघे ७ रुपये मिळणे ही शेतकऱ्यांची क्रूर थट्टा असल्याची संतप्त प्रतिक्रिया संघटनेने दिली.

*हत्तींचा प्रश्न पेटता; अधिवासाला विरोध*

मागील दोन दशकांपासून जिल्ह्यात हत्तींकडून नारळ, सुपारी, केळी व भात शेतीचे मोठ्या प्रमाणात नुकसान होत आहे. ११ ऑक्टोबर २०२३ रोजी तत्कालीन मंत्री दीपक केसरकर यांच्या अध्यक्षतेखाली वाढीव नुकसानभरपाईचा प्रस्ताव शासनाकडे पाठविण्यात आला असून त्यावर तातडीने निर्णय घ्यावा, अशी मागणी करण्यात आली.

दोडामार्ग भागात हत्तींचा अधिवास करण्यास स्थानिकांचा तीव्र विरोध असल्याने अधिवास इतरत्र हलविण्याचा विचार करावा, अशीही मागणी निवेदनात नमूद आहे.

वणवा, पिकविमा आणि नारळ-सुपारी विमा समावेशाचा प्रश्न

वणव्यामुळे काजू-आंबा बागायतींचे अपरिमित नुकसान होत असून जिल्हा परिषदेत ठराव होऊनही प्रत्यक्ष नुकसानभरपाई मिळालेली नाही. तसेच पिकविमा कंपन्यांकडून वेळेवर परतावा मिळत नसल्याने शेतकरी आर्थिकदृष्ट्या कोलमडत आहे. नारळ व सुपारी पिकांचा पिकविमा योजनेत समावेश करावा, अशी मागणीही करण्यात आली.

*राणेंचे आश्वासन*

आमदार निलेश राणे यांनी निवेदनाचा सकारात्मक विचार करून येत्या अर्थसंकल्पीय अधिवेशनात काजू हमीभाव व इतर प्रश्नांवर प्रभावी आवाज उठवू, तसेच गोवा राज्याप्रमाणे सिंधुदुर्गालाही काजूला हमीभाव मिळवून देण्यासाठी प्रयत्न करणार असल्याचे आश्वासन दिले.

*सविस्तर बातमीसाठी खालील लिंक वर क्लिक करा…….👇👇👇👇*

 

 

 

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/GX6edZZhJPuIF8DertMr8J

 

*_💥कोकणवासीयांच्या ज्वलंत प्रश्नांवर प्रकाशझोत टाकणारे डॅशिंग न्यूज चॅनल..🔥_*

 

*_💥गोरगरिबांवरील होणाऱ्या अन्यायाला वाचा फोडणारे दिलासादायक व्यासपीठ..🔥_*

 

*🔥💥 कोकण लाईव्ह ब्रेकिंग 💥🔥*

_*अचूक बातमी थेट हल्ला*_

 

*🌐 जाहिराती व बातम्यांसाठी आजच भेट द्या….⬇️*

*♦संपादक : सीताराम गावडे*

*📱संपर्क : +919423304856*

 

*♦ब्युरो चीफ : विशाल पित्रे*

*📱संपर्क : +919405475712*

 

*▪️मुख्य कार्यालय*

*कोकण लाईव्ह ब्रेकिंग*

आस्था कॉम्प्युटर शेजारी,अजिंक्य लॉज खाली, बस स्टॅन्ड पाठीमागे

ता.सावंतवाडी, जि. सिंधुदुर्ग

——————————–

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Tweets by LiveKokan

 

*🖥️ कोकण लाईव्ह ब्रेकिंग*

_अचूक बातमी थेट हल्ला_