🛑पाकीटांचा पाऊस, अपक्षांचा धुमाकूळ आणि ‘अदृश्य कुबेर’

*🛑पाकीटांचा पाऊस, अपक्षांचा धुमाकूळ आणि ‘अदृश्य कुबेर’*

 

*🛑सावंतवाडीत कोण रचतोय राणेंच्या वर्चस्वाला आव्हान देण्याचे षडयंत्र.*

 

*🛑राणेंनी गेल्या पस्तीस वर्षात जिल्ह्यात बसविलेले विश्वासाचे बस्तान या जन्मी उखडने शक्य होणार नाही.*

 

*🎥 KOKAN LIVE BREAKING ||NEWS CHANNEL*

 

*✍️ संपादकीय : सीताराम गावडे*

 

*🎴सावंतवाडी, दि- ०४:-* सावंतवाडी विधानसभा

मतदारसंघातील जिल्हा परिषद आणि पंचायत समिती निवडणूक यंदा केवळ सत्ताधारी विरुद्ध विरोधी अशी साधी लढत राहिलेली नाही. इथे खरी रणधुमाळी आहे ती सत्ताधारी विरुद्ध अपक्ष अशी! विरोधी पक्षाचे उमेदवार काही मोजक्या ठिकाणीच रिंगणात दिसत असताना, अपक्ष उमेदवारांनी मात्र या मतदारसंघात अक्षरशः धुमाकूळ घातला आहे.

सर्वात गंभीर आणि खळबळजनक आरोप म्हणजे रात्री-अपरात्री सुरू असलेला ‘पाकीट प्रचार’. सत्ताधारी पक्षाकडून थेट आरोप केला जातोय की, अपक्ष उमेदवारांकडून मतदारांना मोठ्या प्रमाणात पैशांची आमिषे दिली जात आहेत. प्रश्न एकच –हा पैसा येतो कुठून?अपक्षांना इतकी मसल आणि मनी पॉवर पुरवणारा ‘कुबेर’ कोण?

सात ते आठ हजार मतदारसंख्या असलेल्या जिल्हा परिषद.मतदारसंघात, प्रत्येक मताला पाच हजार, आठ हजार, दहा हजार रुपये देणे हे कोणत्याही सर्वसामान्य अपक्षाच्या आवाक्याबाहेरचे आहे. इतका प्रचंड निधी उभा करणारी शक्ती कोण? आणि ती शक्ती नेमकी कोणाला आव्हान देऊ पाहते आहे?

स्पष्टपणे दिसते की, सरसकट सर्व अपक्ष उमेदवारांना दोष देता येणार नाही. काही अपक्ष उमेदवार प्रामाणिकपणे, स्वतःच्या बळावर लढत आहेत — त्यांचे निश्चितच कौतुक केले पाहिजे. मात्र बहुतांशी अपक्ष उमेदवार हे कोणाच्या तरी छत्रछायेखाली वावरत असल्याची जोरदार चर्चा आहे. बाहेरून मसल पॉवर, पैसा आणि यंत्रणा पुरवली जात असल्याचे आरोप आता उघडपणे होत आहेत.कमळ आणि धनुष्यबाणाच्या विरोधात उघडपणे उभे राहण्याचे धारिष्ट अपक्षांना आले कुठून?इतक्या निर्ढावलेपणाने पैसा वाटण्याची हिंमत कोण करत आहे?

यामागे कोणता सूत्रधार आहे?

याच संशयाच्या धाग्यावरून काही ठिकाणी पाकीटखोर प्रचाराला पकडण्यासाठी खास फिल्डिंग लावण्यात आली आहे, अशी खात्रीशीर माहिती समोर येत आहे. “तुम्हाला कोणी पाठवलं? पैसा कोणासाठी वाटताय? पैसे कोणी दिले?” — या प्रश्नांची उत्तरं लवकरच बाहेर येणार असल्याची चर्चा आहे.

याच पार्श्वभूमीवर, दोन दिवसांपूर्वी कोलगाव जिल्हा परिषद मतदारसंघात रात्रीच्या वेळी संशयास्पद हालचाली करत असलेल्या अनोळखी व्यक्तींना जागृत नागरिकांनी पकडून पोलिसांच्या स्वाधीन केल्याची घटना चर्चेत आहे. कुणाचा तरी ‘वरून’ फोन आला आणि त्या व्यक्ती सहीसलामत सुटल्या, अशी दबक्या आवाजात चर्चा सुरू आहे. पण या घटनांनी संशय अधिकच बळावला आहे.

एक गोष्ट मात्र स्पष्ट आहे —

हा सगळा प्रकार खासदार नारायण राणे यांच्या वर्चस्वाला आव्हान देण्यासाठी रचलेली रणनीती तर नाही ना?कारण गेली ३५ वर्षे नारायण राणे यांनी कोकणात, विशेषतः सिंधुदुर्गात, आपली भक्कम मुळे रोवली आहेत. हे वर्चस्व सहजासहजी खालसा करणे कोणालाही शक्य नाही.

एकंदरीत काय, सावंतवाडी विधानसभा मतदारसंघातील ही निवडणूक हाय व्होल्टेज होणार हे निश्चित. अपक्ष उमेदवार नसते तर अनेक जागा बिनविरोध झाल्या असत्या. पण आता पैशांचा पाऊस, पडद्यामागचे खेळ आणि ‘अदृश्य कुबेर’ यामुळे राजकारण तापले आहे.

हा कुबेर कोण? सूत्रधार कोण?आणि कोणाच्या वर्चस्वाला खरेच आव्हान दिले जात आहे?

याची उत्तरं लवकरच समोर येतील… आणि तेव्हा सावंतवाडीच्या राजकारणात खऱ्या अर्थाने भूकंप होईल, यात शंका नाही.

*सविस्तर बातमीसाठी खालील लिंक वर क्लिक करा…….👇👇👇👇*

 

 

 

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/GX6edZZhJPuIF8DertMr8J

 

*_💥कोकणवासीयांच्या ज्वलंत प्रश्नांवर प्रकाशझोत टाकणारे डॅशिंग न्यूज चॅनल..🔥_*

 

*_💥गोरगरिबांवरील होणाऱ्या अन्यायाला वाचा फोडणारे दिलासादायक व्यासपीठ..🔥_*

 

*🔥💥 कोकण लाईव्ह ब्रेकिंग 💥🔥*

_*अचूक बातमी थेट हल्ला*_

 

*🌐 जाहिराती व बातम्यांसाठी आजच भेट द्या….⬇️*

*♦संपादक : सीताराम गावडे*

*📱संपर्क : +919423304856*

 

*♦ब्युरो चीफ : विशाल पित्रे*

*📱संपर्क : +919405475712*

 

*▪️मुख्य कार्यालय*

*कोकण लाईव्ह ब्रेकिंग*

आस्था कॉम्प्युटर शेजारी,अजिंक्य लॉज खाली, बस स्टॅन्ड पाठीमागे

ता.सावंतवाडी, जि. सिंधुदुर्ग

——————————–

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Tweets by LiveKokan

 

*🖥️ कोकण लाईव्ह ब्रेकिंग*

_अचूक बातमी थेट हल्ला_