🛑बदलत्या पर्यावरणामुळे सिंधुदुर्गातील शेती संकटात; शेतकऱ्यांसाठी भारतीय किसान संघ आक्रमक.

*🛑बदलत्या पर्यावरणामुळे सिंधुदुर्गातील शेती संकटात; शेतकऱ्यांसाठी भारतीय किसान संघ आक्रमक.*

 

*🎥 KOKAN LIVE BREAKING ||NEWS CHANNEL*

 

*✍️ ब्युरो न्युज : कोकण लाईव्ह ब्रेकिंग*

 

*🎴सावंतवाडी, दि- १७:-* शेती व शेतकऱ्यांचे प्रश्न सोडवण्यासाठी भारतीय किसान संघ रचनात्मक काम, संघटन आणि संघर्ष या त्रिसूत्रीच्या आधारे कार्यरत असून जैवविविधतेने नटलेल्या शेतीप्रधान सिंधुदुर्ग जिल्ह्यात बदलत्या पर्यावरणामुळे शेती आणि शेतकरी दोघांचीही स्थिती चिंताजनक बनली असल्याचे प्रतिपादन भारतीय किसान संघाचे राष्ट्रीय उपाध्यक्ष डॉ. विशाल चंद्रकार यांनी केले. सावंतवाडी येथे आयोजित पत्रकार परिषदेत ते बोलत होते.

मनुष्यबळाची तीव्र कमतरता, पावसाची अनियमितता, वन्य प्राण्यांचा वाढलेला उपद्रव यामुळे शेतकरी शेती सोडून शहराकडे वळत असल्याची गंभीर स्थिती आहे. या पार्श्वभूमीवर भारतीय किसान संघ ही देशातील सर्वात मोठी शेतकरी संघटना शेतकऱ्यांच्या प्रश्नांवर ठाम भूमिका घेत कार्यरत असल्याचे त्यांनी स्पष्ट केले.

डॉ. चंद्रकार पुढे म्हणाले, भारतीय किसान संघ ही केवळ आंदोलन करणारी संघटना नसून शेतकऱ्यांचे हित कसे साध्य होईल यासाठी शासनाला योग्य ती साथ देणारी संघटना आहे. शासनाच्या खांद्याला खांदा लावून शेतकऱ्यांचे हित साधणे हा आमचा उद्देश आहे. सेंद्रिय शेतीला प्राधान्य देणे हे आमचे मुख्य ध्येय असून केमिकल कंपन्यांना दिले जाणारे अनुदान थेट शेतकऱ्यांना देण्यात यावे, अशी आमची ठाम मागणी आहे.

कोकणातील पिकांच्या गरजेनुसार शेती अवजारांचा विविध शासकीय योजनांमध्ये समावेश व्हावा यासाठी प्रयत्न सुरू असल्याचे त्यांनी सांगितले. तसेच रत्नागिरी व सिंधुदुर्ग जिल्ह्यातील भौगोलिक परिस्थिती लक्षात घेता नारळ, सुपारी बागायतीसाठी सौर पंप उपयुक्त ठरत नसल्याने कृषी वीज जोडणी देण्यात यावी, अशी मागणी मुख्यमंत्री देवेंद्र फडणवीस तसेच उर्जा राज्यमंत्री मेघना बोर्डीकर यांच्याकडे मुख्यमंत्री कार्यालय, सचिवालय मुंबई येथे करण्यात आल्याचेही त्यांनी नमूद केले.

दरम्यान, सिंधुदुर्ग जिल्ह्यात भारतीय किसान संघाने केलेल्या कार्याचा आढावा जिल्हा मंत्री अभय भिडे यांनी घेतला. शेतकऱ्यांचा दैनंदिन खर्च भागवण्यासाठी प्रत्येक शेतकऱ्याला २५ हजार रुपये देण्याची देशपातळीवरील मागणी भारतीय किसान संघाने केली होती. त्यातूनच शेतकरी सन्माननिधी योजना शासनाने सुरू केल्याचे त्यांनी सांगितले.

महाराष्ट्र प्रांत संघटन मंत्री चंदन पाटील म्हणाले, पर्जन्य मापन अचूक पद्धतीने होण्यासाठी प्रत्येक गावात पर्जन्यमापक बसविण्याची मागणी अधिवेशनात मान्य करण्यात आली आहे. याचा थेट लाभ पीकविमा वितरण प्रक्रियेत होणार आहे. तसेच जिल्ह्यातील भौगोलिक परिस्थितीनुसार आंबा, भात व इतर पिकांसाठी पीकविमा योजना, तसेच शेतकऱ्यांना हवामानाबाबत अचूक माहिती मिळावी यासाठी हवामान केंद्रांच्या उभारणीची मागणी करण्यात आली असून त्याचा सातत्याने पाठपुरावा सुरू असल्याचेही त्यांनी स्पष्ट केले.

भारतीय किसान संघ हा शेतकऱ्यांच्या न्याय्य मागण्यांसाठी कायमच आग्रही राहिला असून सिंधुदुर्ग जिल्ह्यातील वन्य प्राण्यांचा उपद्रव, वीज जोडणी, सिंचन आदी प्रश्नांसाठी वेळ पडल्यास मोर्चा, धरणे, आंदोलन यांसारख्या संघर्षाच्या मार्गावर जाण्यास संघटना सदैव तयार असल्याचेही यावेळी स्पष्ट करण्यात आले.

या पत्रकार परिषदेला भारतीय किसान संघाचे राष्ट्रीय उपाध्यक्ष डॉ. विशाल चंद्रकार, महाराष्ट्र प्रांत संघटन मंत्री चंदन पाटील, सिंधुदुर्ग जिल्हा अध्यक्ष तानाजी सावंत, जिल्हा मंत्री अभय भिडे, धनंजय गोळम, मनोहर ठिकार आदी पदाधिकारी उपस्थित होते.

*सविस्तर बातमीसाठी खालील लिंक वर क्लिक करा…….👇👇👇👇*

 

 

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/GX6edZZhJPuIF8DertMr8J

——————————–

 

_*🏠कोकणातील आपल्या हक्काच्या घराचं स्वप्न आम्ही पूर्ण करु🏘️*_

 

*🏝️कोकणातील निळाशार समुद्र व ✈️चीपी विमानतळापासुन जवळच आपले स्वप्नातले घर चला घेऊया🏘️*

 

*🏬दाभोलीनाका वेंगुर्ला “पाटील चेंबर्स” या सिंधुदुर्ग जिल्ह्यातील पहिलीच ७ मजली फायर सिस्टीम च्या सुविधांसह मोजकेच फ्लॅट, ऑफीसेस शिल्लक.*

 

*🏜️वेंगुर्ला हॉस्पीटल नाका येथे ९ गुंठे चा प्लॉट विकणे आहे*

 

*⚜️सावंतवाडी, रेस्ट हाऊस जवळ, सालईवाडा येथील “पारिजात हाईटस्” या इमारतीमध्ये फ्लॅट व दुकानगाळे उपलब्ध*

 

*⭕सावंतवाडी, मिलाग्रीस हायस्कूल जवळ नियोजीत सुरू होणाऱ्या इमारतीमध्ये फ्लॅट,ऑफीस व दुकानगाळे उपलब्ध*

 

 

बुकींगसाठी संपर्क:-

*बी.पी. डेव्हलपर्स अॅण्ड बिल्डर्स*

प्रोप्रा.श्री.बाबासाहेब पां. पाटील

मोबा. नं. ७७०९०४६४६५/७७०९०४५४६१

 

*ऑफीस:-* पाटील टॉवर, गवळी तिठा, सावंतवाडी फो.नं. ०२३६३-२७१६५५

 

*Email:-* bpdevelopersandbuilders@rediffmail.com

 

*🛏️रत्नेश प्रिमीयम (लॉजींग)🛌🏻*

 

रूम्स उपलब्ध – एसी. व नॉन एसी रूम्स, डॉमेट्री, एक्झीकेटीव्ह सुट एस.टी. स्टैंड समोर, पाटील टॉवर, गवळी तिठा, सावंतवाडी

 

*📱फो.नं.* ०२३६३-२७१६५५/७७०९०४५४६७

—————————————-

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Tweets by LiveKokan

 

*🖥️ कोकण लाईव्ह ब्रेकिंग*

_अचूक बातमी थेट हल्ला_