🛑सिंधुदुर्ग कोणी विकला? सह्याद्री कुणाच्या घशात घातली?

*🛑सिंधुदुर्ग कोणी विकला? सह्याद्री कुणाच्या घशात घातली?*

 

*🛑गोड बोल्या सत्ता तिथे याचा बाणा असा हा ५०० कोटीचा मालामाल एजंट कोण?*

 

*🛑कोलझर गावाचा आदर्श घेऊन आता तरी उरलीसुरली जमीन वाचवा.*

 

*🎥 KOKAN LIVE BREAKING ||NEWS CHANNEL*

 

*✍️ संपादकीय : सीताराम गावडे*

 

*🎴सिंधुदुर्ग, दि- १४:-*“सिंधुदुर्ग विकला जातोय” हे वाक्य आता कुठल्याही राजकीय सभेतलं आरोपाचं भाष्य राहिलेलं नाही, तर जमिनीवर रोज घडणाऱ्या वास्तवाचं कटू सत्य बनलं आहे. गेल्या काही वर्षांत सिंधुदुर्ग जिल्ह्यात जे घडलं, ते पाहिलं तर एकच प्रश्न समोर उभा राहतो — हे सगळं अचानक कसं घडलं?कालपर्यंत साधी नोकरी, छोटा व्यवसाय, शेती किंवा मासेमारी करणारे काही जण आज करोडपती कसे झाले?आपला मूळ व्यवसाय बंद करून “जमीन व्यवहार” हाच मुख्य उद्योग करणारे हे लोक कोण?

दिल्लीतील कंपन्यांना, बिल्डरांना, लॉबींना इथली जमीन कवडीमोल भावात विकण्याची परवानगी कुणी दिली ,आणि या सगळ्या व्यवहारांच्या शेवटी सिंधुदुर्गातला ५०० कोटींचा मालक नेमका कोण?

हे प्रश्न कोकण लाईव्ह ब्रेकिंग न्यूज गेल्या अनेक महिन्यांपासून सातत्याने विचारत आहे. पण या प्रश्नांना उत्तर देण्याची हिंमत आजवर कुणी दाखवलेली नाही. कारण उत्तर दिलं, तर चेहरे उघडे पडणार आहेत.दिल्ली लॉबी – स्थानिक एजंट – सत्ताधारी : एक घातक त्रिसूत्री सिंधुदुर्गाच्या लुटीमागे कुठलाही एक व्यक्ती नाही, एक पक्ष नाही, किंवा एक सरकार नाही. ही एक त्रिसूत्री व्यवस्था आहे.दिल्लीतील एसी खोल्यांत बसलेली लॉबी,

कोकणात गोडबोलं बोलणारे पण आतून दलाल असलेले स्थानिक एजंट,

*आणि “सत्ता तिथे याचा बाणा”*

जपणारे कायमस्वरूपी सत्ताधारी.

सत्ता बदलते. काल काँग्रेस, आज भाजप, उद्या कुणीही.पण एजंट मात्र कायम तोच असतो.कारण त्याचा धर्म पक्ष नाही, त्याचा धर्म फक्त दलाली आहे.याच एजंटांच्या माध्यमातून इको सेन्सिटिव्ह एरियामधील जमीन हातोहात विकली जाते. सरकारी नियम वाकवले जातात, नकाशे बदलले जातात, परवानग्या मिळवल्या जातात आणि स्थानिक शेतकरी, आदिवासी, भूमिपुत्र मात्र अंधारात ठेवला जातो.

*लोक आंदोलन करतात… पण अपयश का येतं?*

आजवर अनेक गावांत आंदोलनं झाली.उपोषणं झाली.निवेदने दिली गेली.मोर्चे काढले गेले.पण तरीही लढे यशस्वी का होत नाहीत?कारण लढा एकत्रित होत नाही.प्रत्येक गाव वेगळं.प्रत्येक शेतकरी एकटा.आणि हीच फूट दिल्ली लॉबीची सगळ्यात मोठी ताकद ठरते.जोपर्यंत संघर्ष तुकड्या-तुकड्यांत राहतो, तोपर्यंत तो दडपला जातो.कोलझर गावाने इतिहास घडवला ,दोडामार्ग तालुक्यातील कोलझर गावाने ही साखळी तोडली आहे.कोलझरने जे केलं, ते केवळ आंदोलन नाही — तो एक इशारा आहे.गावच्या ग्रामदैवत श्री देवी माऊलीसमोर उभं राहून “एक इंचही जमीन विकायची नाही” अशी सामूहिक शपथ घेणं, हा भावनेचा नव्हे तर निर्णयाचा क्षण होता.

हा निर्णय म्हणजे —दिल्ली लॉबीच्या मुसक्या आवळणारा वार,स्थानिक दलालांच्या पायाखालची वाळू सरकवणारा इशारा,आणि सत्ताधाऱ्यांना आरसा दाखवणारी भूमिका.अवैध उत्खनन, वृक्षतोड आणि ‘अदृश्य’ रस्ते ,कोलझर परिसरात जे घडलं, ते धक्कादायक आहे.इको सेन्सिटिव्ह एरियामध्ये अवैध उत्खनन करण्यात आलं.

हजारो टन खनिजयुक्त माती बाहेर काढण्यात आली.जिथे रस्ता नव्हता, तिथे रस्त्यासारखी खोदाई झाली.

२०१८ पासून वृक्षतोडीवर बंदी असताना मुळासकट झाडं गायब झाली.

प्रश्न साधा आहे —ही परवानगी कुणी दिली?कोणाच्या आदेशाने हे सगळं घडलं?आणि यंत्रणा गप्प का राहिल्या?यावेळी फरक काय? — कोलझर एकवटलं आहे.यावेळी फरक एवढाच आहे की कोलझर एकटं नाही.गाव एकवटलं आहे.तरुण पुढे आले आहेत.ग्रामस्थ जागे झाले आहेत.आणि सगळ्यात महत्त्वाचं म्हणजे — गावाने ठरवलं आहे.

हा लढा फक्त कोलझरचा नाही

आज कोलझर उभा आहे.

उद्या उरली-सुरली जमीन असलेलं कोणतंही गाव उभं राहू शकतं.

संदेश स्पष्ट आहे —“जमीन आपली आहे.सह्याद्री आपली आहे.

आणि ती विकायला आम्ही कुणाच्या

दारात उभे राहणार नाही.”महसूल यंत्रणा हलली आहे.पंचनामे सुरू झाले आहेत.पण इतिहास साक्षी आहे — फक्त कागदी कारवाई पुरेशी नसते.

दोषींवर कठोर कारवाई झाली नाही,

तर आंदोलनात्मक आणि कायदेशीर लढा अधिक तीव्र होणार, हे आता अटळ आहे.

*कोकण लाईव्ह ब्रेकिंग न्यूजचा ठाम इशारा*

सिंधुदुर्ग विकणाऱ्यांची नावे, चेहरे आणि व्यवहार कोकण लाईव्ह ब्रेकिंग न्यूज जनतेसमोर आणत राहील.

सत्ताधाऱ्यांच्या मांडीला मांडी लावून बसलेले दलाल असोत,किंवा यंत्रणांचा गैरवापर करणारे अधिकारी —कुणालाही पाठीशी घातलं जाणार नाही.आज कोलझरमुळे आशेचा किरण दिसतो आहे.हा किरण जर प्रत्येक गावाने हातात घेतला,

तर दिल्ली लॉबीला कोकणात जागा उरणार नाही.कारण शेवटी एकच सत्य आहे —जमीन आपली आहे.

सह्याद्री आपली आहे.आणि ती वाचवणं हीच खरी देशभक्ती आहे.

*सविस्तर बातमीसाठी खालील लिंक वर क्लिक करा…….👇👇👇👇*

 

 

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/GX6edZZhJPuIF8DertMr8J

——————————–

 

_*🏠कोकणातील आपल्या हक्काच्या घराचं स्वप्न आम्ही पूर्ण करु🏘️*_

 

*🏝️कोकणातील निळाशार समुद्र व ✈️चीपी विमानतळापासुन जवळच आपले स्वप्नातले घर चला घेऊया🏘️*

 

*🏬दाभोलीनाका वेंगुर्ला “पाटील चेंबर्स” या सिंधुदुर्ग जिल्ह्यातील पहिलीच ७ मजली फायर सिस्टीम च्या सुविधांसह मोजकेच फ्लॅट, ऑफीसेस शिल्लक.*

 

*🏜️वेंगुर्ला हॉस्पीटल नाका येथे ९ गुंठे चा प्लॉट विकणे आहे*

 

*⚜️सावंतवाडी, रेस्ट हाऊस जवळ, सालईवाडा येथील “पारिजात हाईटस्” या इमारतीमध्ये फ्लॅट व दुकानगाळे उपलब्ध*

 

*⭕सावंतवाडी, मिलाग्रीस हायस्कूल जवळ नियोजीत सुरू होणाऱ्या इमारतीमध्ये फ्लॅट,ऑफीस व दुकानगाळे उपलब्ध*

 

 

बुकींगसाठी संपर्क:-

*बी.पी. डेव्हलपर्स अॅण्ड बिल्डर्स*

प्रोप्रा.श्री.बाबासाहेब पां. पाटील

मोबा. नं. ७७०९०४६४६५/७७०९०४५४६१

 

*ऑफीस:-* पाटील टॉवर, गवळी तिठा, सावंतवाडी फो.नं. ०२३६३-२७१६५५

 

*Email:-* bpdevelopersandbuilders@rediffmail.com

 

*🛏️रत्नेश प्रिमीयम (लॉजींग)🛌🏻*

 

रूम्स उपलब्ध – एसी. व नॉन एसी रूम्स, डॉमेट्री, एक्झीकेटीव्ह सुट एस.टी. स्टैंड समोर, पाटील टॉवर, गवळी तिठा, सावंतवाडी

 

*📱फो.नं.* ०२३६३-२७१६५५/७७०९०४५४६७

—————————————-

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Tweets by LiveKokan

 

*🖥️ कोकण लाईव्ह ब्रेकिंग*

_अचूक बातमी थेट हल्ला_