🛑पर्यावरणासाठी ‘दिल्ली लॉबी’विरोधात एल्गार.

*🛑पर्यावरणासाठी ‘दिल्ली लॉबी’विरोधात एल्गार.*

 

*🛑कोलझरवासीय एकवटले : इको-सेन्सिटिव्ह क्षेत्रात अवैध उत्खनन व वृक्षतोडीविरोधात ठाम भूमिका.*

 

*🎥 KOKAN LIVE BREAKING ||NEWS CHANNEL*

 

*✍️ ब्युरो न्युज : कोकण लाईव्ह ब्रेकिंग*

 

*🎴दोडामार्ग, दि- १२:-* इको-सेन्सिटिव्ह क्षेत्र म्हणून घोषित करण्यात आलेल्या कोलझर गावाच्या पर्यावरणावर घाला घालणाऱ्या ‘दिल्ली लॉबी’विरोधात गावाने थेट एल्गार पुकारला आहे. “पुर्वजांचा ठेवा असलेल्या जमिनी विकायच्या नाहीत आणि गावाच्या पर्यावरणाशी खेळणाऱ्यांना कायदेशीर व आंदोलनात्मक मार्गाने धडा शिकवायचाच” असा ठाम निर्धार ग्रामस्थांनी केला. विशेष म्हणजे या लढ्यात तरुणांचा सहभाग मोठ्या प्रमाणावर दिसून आला.

वनशक्ती संस्थेने उच्च न्यायालयात दाखल केलेल्या जनहित याचिकेच्या निर्णयानुसार केंद्र शासनाने अधिसूचना काढत कोलझर गाव इको-सेन्सिटिव्ह एरिया म्हणून जाहीर केले आहे. या भागात पर्यावरणाला बाधा पोहोचेल असे कोणतेही कृत्य निषिद्ध आहे. याशिवाय सन २०१८ पासून येथे वृक्षतोडीवर बंदी असतानाही गेल्या आठवड्यात काही बाहेरच्या, तथाकथित ‘दिल्ली लॉबी’शी संबंधित लोकांनी स्थानिक ग्रामस्थ व जमीनमालकांना अंधारात ठेवून अवैध उत्खनन केल्याचा गंभीर प्रकार उघडकीस आला आहे.

ख्रिश्चनवाडीपासून पुढे घनदाट जंगलाकडे जाणाऱ्या भागात थेट सुमारे ४ किलोमीटर लांबीचा आणि सुमारे १२ फूट रुंदीचा रस्त्यासदृश्य उत्खनन करण्यात आले आहे. शिरवल गावातील न्हयखोलपर्यंत हे उत्खनन पसरले असून, हजारो टन खनिजयुक्त माती वाहनांद्वारे चोरून नेण्यात आल्याचा संशय ग्रामस्थांनी व्यक्त केला आहे.

विशेष म्हणजे, ज्या जमिनीतून उत्खनन करण्यात आले त्या जमीनमालकांची कोणतीही परवानगी घेतलेली नाही. या डोंगर भागात पूर्वी कोणताही रस्ता नव्हता आणि आजही तो अस्तित्वात नाही.डोंगरात रस्ता झाला तर मानवी हस्तक्षेप वाढून येथील जैवविविधतेला गंभीर धोका निर्माण होईल, अशी भीती ग्रामस्थांनी व्यक्त केली आहे.

या जंगल परिसरात पट्टेरी वाघासह अनेक दुर्मिळ वन्यप्राणी, पक्षी आणि जैवसृष्टीचा अधिवास आहे.त्यामुळे आजवर स्थानिकांनी रानवाटांचाच वापर केला. मात्र बाहेरच्या लोकांनी नियोजनबद्धपणे उत्खनन करत मोठ्या प्रमाणावर जुनी, पूर्ण वाढलेली झाडे तोडून ती मुळासकट नष्ट केली. वृक्षतोडीचे पुरावे नष्ट करण्याचा प्रयत्न झाल्याचा आरोपही ग्रामस्थांनी केला आहे.

या प्रकारामुळे कोलझरचे पर्यावरण, अन्नसाखळी आणि वाघ कॉरिडॉर धोक्यात येण्याची शक्यता निर्माण झाली आहे. दिल्ली लॉबीशी संबंधित काही लोकांनी येथे जमीन व्यवहार सुरू केले असून, हाच या प्रकारामागचा सूत्रधार असल्याचा संशय बैठकीत व्यक्त करण्यात आला.

गावाने यापूर्वीही खनिज उत्खननाच्या काळात जमिनी देण्यास नकार दिला होता. आता थेट अतिक्रमण आणि पर्यावरण विध्वंसाविरोधात एकजुटीने लढा देण्याचा निर्णय घेण्यात आला आहे. वन विभागाने तातडीने दोषींना शोधून कठोर कारवाई करावी, अन्यथा कायदेशीर मार्गासह आंदोलन उभारले जाईल, असा स्पष्ट इशारा ग्रामस्थांनी दिला.

या बैठकीत शामराव देसाई, आपा देसाई, गुरुदास देसाई, शरद देसाई, पी. पी. देसाई, दीपक देसाई, मुरारी मुंगी, सुदेश देसाई, उल्हास देसाई, महादेव देसाई, दिलीप देसाई, दौलत देसाई, राजाराम देसाई, आनंद देसाई, सत्यवान देसाई, अमर सावंत, देवेंद्र देसाई आदींनी सक्रिय सहभाग घेतला.

*ग्रामदैवतासमोर शपथ — जमिनी न विकण्याचा निर्धार*

ग्रामस्थांनी ग्रामदैवत श्री देवी माऊलीसमोर नारळ ठेवून “पुर्वजांचा ठेवा असलेल्या गावच्या जमिनी रक्ताच्या नात्याबाहेर विकणार नाही” अशी शपथ घेतली. गावाची जैवविविधता, पर्यावरण व कृषीव्यवस्था अबाधित राहावी यासाठी साकडे घालण्यात आले. गावहिताविरोधात काम करणाऱ्यांना कधीही पाठबळ न देण्याचा निश्चयही करण्यात आला.

*जमिन एजंटांना थेट इशारा*

ग्रामस्थांनी जमिन व्यवहार करणाऱ्या एजंटांच्या घरी जाऊन “कोलझरच्या जमिनी विकायच्या नाहीत, त्यामुळे अशा व्यवहारात पडू नये” अशी स्पष्ट भूमिका मांडली. त्यांनी ती मान्य केल्याचे सांगण्यात आले. सासोली गावातील कथित भ्रष्ट व्यवहारांचा संदर्भ देत, कोलझरबाबत असे काही घडल्यास आंदोलनात्मक लढ्याचा इशारा देण्यात आला.

*महसूल विभागाचा पंचनामा सुरू*

ग्रामस्थांचा आवाज तीव्र होताच सोमवारी दोडामार्ग महसूल विभागाचे पथक घटनास्थळी दाखल झाले. उत्खननाची मोजमापे व पंचनामा सुरू करण्यात आला. “जमीनमालकांना अंधारात ठेवून उत्खनन करणाऱ्यांवर तात्काळ कारवाई करा” अशी मागणी ग्रामस्थांनी केली.

*सविस्तर बातमीसाठी खालील लिंक वर क्लिक करा…….👇👇👇👇*

 

 

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/GX6edZZhJPuIF8DertMr8J

——————————–

 

_*🏠कोकणातील आपल्या हक्काच्या घराचं स्वप्न आम्ही पूर्ण करु🏘️*_

 

*🏝️कोकणातील निळाशार समुद्र व ✈️चीपी विमानतळापासुन जवळच आपले स्वप्नातले घर चला घेऊया🏘️*

 

*🏬दाभोलीनाका वेंगुर्ला “पाटील चेंबर्स” या सिंधुदुर्ग जिल्ह्यातील पहिलीच ७ मजली फायर सिस्टीम च्या सुविधांसह मोजकेच फ्लॅट, ऑफीसेस शिल्लक.*

 

*🏜️वेंगुर्ला हॉस्पीटल नाका येथे ९ गुंठे चा प्लॉट विकणे आहे*

 

*⚜️सावंतवाडी, रेस्ट हाऊस जवळ, सालईवाडा येथील “पारिजात हाईटस्” या इमारतीमध्ये फ्लॅट व दुकानगाळे उपलब्ध*

 

*⭕सावंतवाडी, मिलाग्रीस हायस्कूल जवळ नियोजीत सुरू होणाऱ्या इमारतीमध्ये फ्लॅट,ऑफीस व दुकानगाळे उपलब्ध*

 

 

बुकींगसाठी संपर्क:-

*बी.पी. डेव्हलपर्स अॅण्ड बिल्डर्स*

प्रोप्रा.श्री.बाबासाहेब पां. पाटील

मोबा. नं. ७७०९०४६४६५/७७०९०४५४६१

 

*ऑफीस:-* पाटील टॉवर, गवळी तिठा, सावंतवाडी फो.नं. ०२३६३-२७१६५५

 

*Email:-* bpdevelopersandbuilders@rediffmail.com

 

*🛏️रत्नेश प्रिमीयम (लॉजींग)🛌🏻*

 

रूम्स उपलब्ध – एसी. व नॉन एसी रूम्स, डॉमेट्री, एक्झीकेटीव्ह सुट एस.टी. स्टैंड समोर, पाटील टॉवर, गवळी तिठा, सावंतवाडी

 

*📱फो.नं.* ०२३६३-२७१६५५/७७०९०४५४६७

—————————————-

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Tweets by LiveKokan

 

*🖥️ कोकण लाईव्ह ब्रेकिंग*

_अचूक बातमी थेट हल्ला_