🛑नशेची आग,पोलिसांची झोप आणि उध्वस्त होणारी पिढी!

*🛑नशेची आग,पोलिसांची झोप आणि उध्वस्त होणारी पिढी!*

 

*🛑उघड्यावर फुकेरी सोडतोय धूर – नशेडी करताहेत स्मशानभूमीत दारुच्या पार्ट्या.*

 

*🎥 KOKAN LIVE BREAKING ||NEWS CHANNEL*

 

*✍️ संपादकीय : सीताराम गावडे*

 

*🎴सिंधुदुर्ग, दि- २५:-* नशेडी माणसांना आता कोणतीही जागा पवित्र उरलेली नाही. देवळाचा कळस असो की स्मशानभूमीची क्रियाकर्म करणारी जागा — नशेच्या धुराने सगळीकडे गुदमरट पसरवली आहे. हे वास्तव नवे नाही. आम्ही यापूर्वीही आमच्या संपादकीय सदरातून यावर कठोर शब्दांत ताशेरे ओढले होते. तेव्हा नेहमीप्रमाणे पोलिस प्रशासन काही दिवसांसाठी “जागे” झाले, दोन-चार कारवाया केल्या आणि पुन्हा “येरे माझ्या मागल्या”!काल शिवसेनेचे शहरप्रमुख निशांत तोरसकर यांनी पुराव्यानिशी हा सगळा प्रकार पुन्हा एकदा जनतेसमोर आणला. सावंतवाडी शहरातील नाक्यानाक्यावर असलेल्या टपऱ्यांवर फुकेरी टोळ्या जमून खुलेआम धुराचे लोट सोडत आहेत. गांजा, तंबाखू, अमली पदार्थ जणू काही कायदेशीरच असल्यासारखे विकले आणि वापरले जात आहेत.

प्रश्न साधा आहे — सार्वजनिक ठिकाणी नशा, पान, धूम्रपान कायद्याने गुन्हा असताना पोलीस प्रशासन डोळे झाकून का पाहते?

आम्ही लिहितो, समाज जागा होतो, पोलीस दोन दिवस हालचाल करतात आणि मग पुन्हा सगळं थंड.

कारवाईत सातत्य का नाही?

हा प्रश्न आता केवळ आमचा नाही, तर प्रत्येक पालकाचा, प्रत्येक शिक्षकाचा, प्रत्येक सुजाण नागरिकाचा आहे.आज शहरातील प्रत्येक टपरीवर गांजा ओढण्यासाठी लागणारे कागद, पावडर, सुट्टे साहित्य सहज उपलब्ध आहे. कोणी विचारत नाही — हे येतं कुठून?१७ वर्षांचा शाळकरी मुलगा, कॉलेजमधील युवक या नशेच्या विळख्यात अडकले आहेत. आधी गांजा, मग दारू, आणि हातात कोलीत — मग तो काय करणार?

आग लावणार नाही तर काय?

समाज जाळला जातोय… आणि प्रशासन केवळ तमाशा पाहतंय.

पोलिस नशेडींना पकडतात, चार शिव्या देतात, एखादी किरकोळ कारवाई करतात आणि त्यांना सोडून देतात. पण खरी साखळी —

*👉 गांजा कुठून येतो?*

*👉 पुरवठा कोण करतो?*

*👉 पाठीशी कोण उभं आहे?*

याचा तपास मात्र कधीच होत नाही. कारण तपास झाला, तर बरीच “मोठी” नावं बाहेर येतील!

कायद्याने शाळा, कॉलेज, रुग्णालय, मंदिर यापासून ५०० मीटर परिसरात तंबाखूजन्य पदार्थांची विक्री बंदी आहे. पण वास्तव काय?शाळेच्या गेटसमोर स्टॉल, रुग्णालयाच्या भिंतीलगत टपरी, कॉलेज परिसरात खुलेआम विक्री!पोलीस पाहतात… पण कारवाई करत नाहीत.बघ्याची भूमिका म्हणजेच अप्रत्यक्ष संमती नाही का?याचा परिणाम काय?विद्यार्थी हातातून निसटत आहेत.भविष्यातील डॉक्टर, इंजिनिअर, शिक्षक आज नशेच्या दलदलीत अडकले आहेत.पालक हतबल आहेत, शिक्षक असहाय्य आहेत आणि पोलीस प्रशासन मात्र “व्यस्त” आहे!गोव्यातून येणारी विषारी दारू मोठ्या प्रमाणात महाराष्ट्रात शिरतेय. गाड्यांवरच्या फॅन्सी नंबर प्लेट इतक्या सूक्ष्म असतात की उघड्या डोळ्यांनी नाही, दुर्बीण घेऊनही वाचता येणार नाहीत!

पण आश्चर्य म्हणजे —

*👉 अशा गाड्यांवर कारवाई होत नाही*

*👉 तपास नाक्यावर त्या सहज सुटतात*

*👉 कारण सगळ्यांना माहीत आहे — हप्ता व्यवस्थित पोहोचतो!*

या धंद्यातील गॅंग आज गब्बर झाले आहेत. त्यांना राजकीय पक्षांचे छत्र आहे. कारण प्रत्येक पक्षाला

“कामासाठी” अशाच नशेडी टोळ्यांची गरज असते. पोस्टर लावायला, दहशत निर्माण करायला, विरोधकांना धमकवायला!आणि याच राजकीय स्वार्थासाठी २१व्या शतकातील भारताची भावी पिढी अक्षरशः बरबाद केली जातेय.

*आज प्रश्न असा आहे* —

*👉 आपण फक्त उघड्या डोळ्यांनी हे सगळं पाहणार का?*

*👉 की जबाबदारी ठरवणार?*

*👉 पोलीस प्रशासनाला जाब विचारणार?*

कारवाई म्हणजे फोटो काढून बातमी देणे नव्हे.कारवाई म्हणजे मुळावर घाव.पुरवठा साखळी तोडणे.पाठीशी असलेल्यांची नावे उघड करणे.आणि सर्वात महत्त्वाचे म्हणजे — सातत्य!नाहीतर स्मशानभूमीत धूर सोडणाऱ्या नशेडींना थांबवणारा कोणीच उरणार नाही…आणि तेव्हा स्मशानात जाण्याआधीच पिढ्या जळून खाक झालेल्या असतील!

*सविस्तर बातमीसाठी खालील लिंक वर क्लिक करा…….👇👇👇👇*

 

 

 

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/GX6edZZhJPuIF8DertMr8J

 

*_💥कोकणवासीयांच्या ज्वलंत प्रश्नांवर प्रकाशझोत टाकणारे डॅशिंग न्यूज चॅनल..🔥_*

 

*_💥गोरगरिबांवरील होणाऱ्या अन्यायाला वाचा फोडणारे दिलासादायक व्यासपीठ..🔥_*

 

*🔥💥 कोकण लाईव्ह ब्रेकिंग 💥🔥*

_*अचूक बातमी थेट हल्ला*_

 

*🌐 जाहिराती व बातम्यांसाठी आजच भेट द्या….⬇️*

*♦संपादक : सीताराम गावडे*

*📱संपर्क : +919423304856*

 

*♦ब्युरो चीफ : विशाल पित्रे*

*📱संपर्क : +919405475712*

 

*▪️मुख्य कार्यालय*

*कोकण लाईव्ह ब्रेकिंग*

आस्था कॉम्प्युटर शेजारी,अजिंक्य लॉज खाली, बस स्टॅन्ड पाठीमागे

ता.सावंतवाडी, जि. सिंधुदुर्ग

——————————–

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Tweets by LiveKokan

 

*🖥️ कोकण लाईव्ह ब्रेकिंग*

_अचूक बातमी थेट हल्ला_