🛑सत्तेच्या सावलीत न झुकणारा आवाज : आमदार डॉ निलेश राणे.

*🛑सत्तेच्या सावलीत न झुकणारा आवाज : आमदार डॉ निलेश राणे.*

 

*🛑कोकणच्या विकासासाठी आमदार निलेश राणे यांच्या सारख्या आक्रमक नेतृत्वाचीच गरज.*

 

*🎥 KOKAN LIVE BREAKING ||NEWS CHANNEL*

 

*✍️ संपादकीय : सीताराम गावडे*

 

*🎴सिंधुदुर्ग, दि- १६:-* देशभक्ती, समाजसेवा आणि राजकारण — या तीन शब्दांचा आजच्या भारतीय राजकारणात परस्परांशी संबंध उरला आहे का, हा प्रश्न दिवसेंदिवस अधिक तीव्र होत चालला आहे. सत्तेच्या हव्यासाने, पैशाच्या प्रभावाने आणि सत्तासुंदरीच्या मोहाने लोकप्रतिनिधींची मूल्ये गळून पडताना दिसतात. मात्र या निराशाजनक चित्रातही सिंधुदुर्ग जिल्ह्यातील कुडाळ–मालवण मतदारसंघ एक वेगळा अपवाद ठरतो. कारण येथे सत्तेत राहूनही सत्तेला प्रश्न विचारण्याचे धाडस दाखवणारा आमदार म्हणजे डॉ निलेश नारायण राणे.

राज्याच्या प्रत्येक अधिवेशनात माजी मुख्यमंत्री नारायण राणे यांची आठवण काढली जाते, ती उगीच नाही. विरोधी पक्षनेते असताना त्यांनी सभागृह दणाणून सोडले होते. मंत्र्यांना आणि अधिकाऱ्यांना “कधीही विकेट पडेल” अशी भीती वाटायची. वेळ मारून नेण्याची, टोलवाटोलवी करण्याची कोणालाच संधी नव्हती. आज नारायण राणे सभागृहात नसले, तरी त्यांची राजकीय धार, त्यांची धडाडी आणि त्यांचा करारी वारसा निलेश राणे यांच्या रूपाने पुन्हा एकदा विधानसभेत जिवंत झालेला दिसतो.

निलेश राणे यांनी पहिल्याच अधिवेशनापासून आपली भूमिका स्पष्ट केली — सत्ता ही साधन आहे, ध्येय नाही. त्यामुळेच मच्छिमार, शेतकरी, आंबा बागायतदार, कोकणातील रस्ते, आरोग्य व्यवस्था, पर्यटन, एमआयडीसी, गडकिल्ले, किनारपट्टी संरक्षण यांसारखे प्रश्न त्यांनी केवळ मांडले नाहीत, तर सरकारला निर्णय घेण्यास भाग पाडले. देवबाग किनारपट्टीवरील संरक्षक बंधाऱ्याचा प्रश्न असो वा जिल्ह्यातील रस्त्यांची दयनीय अवस्था — प्रत्येक मुद्द्यावर त्यांनी अभ्यासपूर्ण, आकडेवारीसह आणि थेट अधिकाऱ्यांची जबाबदारी ठरवणारी भूमिका घेतली.

विशेषतः पावसाळ्यात सिंधुदुर्ग जिल्ह्यात वीज वितरणाचा बोजवारा उडतो. महिनोनमहिने नागरिक अंधारात राहतात. हा प्रश्न अनेक वर्षे “निसर्गाची कृपा” म्हणून गिळंकृत केला गेला. मात्र निलेश राणे यांनी तो विधानसभेत लावून धरला. परिणामी संपूर्ण कोकणातील आमदारांना ऊर्जा मंत्र्यांसोबत बैठक घ्यावी लागली. भूमिगत वीज वाहिन्या, जंगलातून जाणाऱ्या तारांचे मार्गांतर, तात्काळ उपाययोजना — आज या कामांचा वेग पाहिला, तर एका आमदाराच्या चिकाटीचा परिणाम कसा असतो, हे स्पष्ट होते.

राजकारण केवळ भाषणापुरते मर्यादित नसते, हे निलेश राणे यांनी कृतीतून दाखवून दिले. नुकत्याच झालेल्या नगरपरिषद निवडणुकीत मित्रपक्षांशी संघर्ष असतानाही त्यांनी स्वबळावर लढण्याचे धाडस दाखवले. निवडणुकीदरम्यान भाजपच्या पदाधिकाऱ्याच्या स्टिंग ऑपरेशनमध्ये लाखो रुपयांची रक्कम सापडली. प्रकरण दडपण्याचा प्रयत्न होत असल्याचे लक्षात येताच निलेश राणे यांनी मध्यरात्री पोलीस ठाण्यात धडक मारली. मालवणची निवडणूक संपूर्ण राज्यात चर्चेचा विषय ठरली. सत्तेत असूनही अन्यायाविरोधात उभे राहण्याचे धाडस किती लोकप्रतिनिधी दाखवू शकतात, हा प्रश्न यानिमित्ताने उपस्थित होतो.

या भूमिकेचे कौतुक केवळ समर्थकांनीच नव्हे, तर विरोधकांनीही केले. इतकेच नव्हे, तर दिल्लीतील संसदेत राष्ट्रवादी काँग्रेसच्या खासदार सुप्रिया सुळे यांनी निलेश राणे यांच्या संघर्षाचे कौतुक केले. देशाच्या सर्वोच्च सभागृहात एका कोकणातील आमदाराच्या लढ्याची दखल घेतली जाणे, हे सामान्य नाही.

हिवाळी अधिवेशनात कुडाळ–मालवणच्या प्रश्नांवर आवाज उठवताना निलेश राणे यांनी शेतकऱ्यांना मिळालेल्या तुटपुंज्या मदतीवर सरकारला धारेवर धरले. सत्तेत राहून सरकारला जाब विचारण्याचे धाडस त्यांनी दाखवले. विरोधकांनी सरकारला घेरले असताना, त्यांनी आकडेवारी, निकष आणि अभ्यासाच्या जोरावर भूमिका मांडली. परिणामी विरोधकांची तोंडे बंद झाली.

आंब्रड धरणातील भ्रष्टाचार प्रकरण याचे जिवंत उदाहरण आहे. चार कोटींचा प्रकल्प ३४ कोटींवर कसा गेला, कोट्यवधी खर्च करूनही काम अपूर्ण कसे राहिले, ठेकेदार आणि अधिकारी कसे लाखो रुपये काढतात हे सर्व त्यांनी सभागृहात उघड केले. सार्वजनिक बांधकाम विभागाच्या रस्ते दुरुस्तीचे सहा कोटी कुठे गेले, हा प्रश्न विचारून जिल्ह्यातील विकासाला लागलेली कीड त्यांनी जनतेसमोर आणली.

निलेश राणे यांचा राजकीय प्रवास सोपा नव्हता. सलग दोन पराभव झाले, तरी ते मागे हटले नाहीत. आमदार नसतानाही कोट्यवधी निधी खेचून आणला. २०२४ मध्ये आमदार म्हणून निवडून येताच त्यांनी विधानसभेत आपली छाप पाडली. आज अवघ्या एका वर्षात त्यांनी सिद्ध केले आहे की, जनतेच्या प्रश्नांसाठी लढणारा आमदार मिळाला, तर व्यवस्थेलाही हलवता येते.

आज महाराष्ट्राच्या राजकारणात सत्तेची गुलामगिरी करणाऱ्यांची संख्या वाढत असताना, कोकणासाठी सत्तेविरोधात उभा राहणारा एकमेव आमदार म्हणून निलेश राणे यांनी वेगळी ओळख निर्माण केली आहे. हा लढा केवळ एका व्यक्तीचा नाही, तर कोकणाच्या आत्मसन्मानाचा आहे. त्यामुळेच त्यांनी थांबू नये, अधिक आक्रमकपणे लढावे, हीच अपेक्षा आज कोकणवासीयांची आहे.

कारण, सत्तेच्या सावलीत न झुकणारा आवाजच लोकशाहीला जिवंत ठेवतो.

*सविस्तर बातमीसाठी खालील लिंक वर क्लिक करा…….👇👇👇👇*

 

 

 

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/GX6edZZhJPuIF8DertMr8J

 

*_💥कोकणवासीयांच्या ज्वलंत प्रश्नांवर प्रकाशझोत टाकणारे डॅशिंग न्यूज चॅनल..🔥_*

 

*_💥गोरगरिबांवरील होणाऱ्या अन्यायाला वाचा फोडणारे दिलासादायक व्यासपीठ..🔥_*

 

*🔥💥 कोकण लाईव्ह ब्रेकिंग 💥🔥*

_*अचूक बातमी थेट हल्ला*_

 

*🌐 जाहिराती व बातम्यांसाठी आजच भेट द्या….⬇️*

*♦संपादक : सीताराम गावडे*

*📱संपर्क : +919423304856*

 

*♦ब्युरो चीफ : विशाल पित्रे*

*📱संपर्क : +919405475712*

 

*▪️मुख्य कार्यालय*

*कोकण लाईव्ह ब्रेकिंग*

आस्था कॉम्प्युटर शेजारी,अजिंक्य लॉज खाली, बस स्टॅन्ड पाठीमागे

ता.सावंतवाडी, जि. सिंधुदुर्ग

——————————–

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

https://twitter.com/लिव्हकोकण

 

*🖥️ कोकण लाईव्ह ब्रेकिंग*

_अचूक बातमी थेट हल्ला_