🛑खर्डेकर महाविद्यालयात ‘प्राचीन जीवाश्म व देवराई संवर्धन’ या विषयावर एकदिवसीय परिसंवाद.

*🛑खर्डेकर महाविद्यालयात ‘प्राचीन जीवाश्म व देवराई संवर्धन’ या विषयावर एकदिवसीय परिसंवाद.*

 

*🎥 KOKAN LIVE BREAKING ||NEWS CHANNEL*

 

*✍️ ब्युरो न्युज : कोकण लाईव्ह ब्रेकिंग*

 

*🎴वेंगुर्ला, दि- ०५:-* बॅरिस्टर बाळासाहेब खर्डेकर महाविद्यालय, वेंगुर्ला येथे प्राचीन जीवाश्म तसेच देवराई संवर्धन या विषयावर एकदिवसीय परिसंवादाचे आयोजन करण्यात आले. कार्यक्रमाच्या अध्यक्षस्थानी महाविद्यालयाचे प्राचार्य प्रो. डॉ. धनराज गोस्वामी उपस्थित होते.

प्रास्ताविक मार्गदर्शन करताना डॉ.धनश्री पाटील यांनी बदलत्या पर्यावरणीय परिस्थितीत प्राचीन जीवाश्म आणि देवराई यांचे अस्तित्व किती महत्त्वाचे आहे, यावर विशेष प्रकाश टाकला. “विद्यार्थ्यांमध्ये या विषयाविषयी जागृती निर्माण होणे ही काळाची गरज आहे,” असे त्या म्हणाल्या. प्राचीन शिल्पे, वनस्पती–प्राणी जीवन आणि भूवैज्ञानिक अवशेष हा संशोधनाच्या दृष्टीने अमूल्य वारसा असून त्याचे संरक्षण अनिवार्य आहे, असे त्यांनी सांगितले.

सदर परिसंवाद तीन सत्रांमध्ये विभागण्यात आला होता.

प्रथम सत्रात मार्गदर्शन करताना डॉ. अजित वर्तक यांनी वनस्पती, प्राणी, जीवाश्म यांचा अभ्यास कसा नवीन ज्ञानाची निर्मिती करतो याचे सविस्तर विवेचन केले. त्यांनी पोस्टल तिकिटांच्या जतनाद्वारे देशाचा ऐतिहासिक आणि सांस्कृतिक वारसा समजून घेता येतो, तसेच पृथ्वीच्या उत्पत्तीपासून मानवाच्या चंद्रप्रवासापर्यंतचा इतिहास अभ्यासता येतो, यावरही प्रकाश टाकला. “दुर्मिळ जीवाश्म आणि ऐतिहासिक अवशेषांचा अभ्यास पुढील संशोधनासाठी अत्यंत उपयुक्त ठरतो,” असे ते म्हणाले.

द्वितीय सत्रात प्रमुख अतिथी डॉ. अनुराधा उपाध्ये यांनी पर्वतीय भागातील सघन पाचूच्या जंगलांची (देवराई) जपणूक स्थानिक समाजाच्या परंपरा व श्रद्धेमुळे कशी टिकून आहे, याची माहिती दिली. सिंधुदुर्ग जिल्ह्यात तब्बल १४९२ प्रकारच्या विविध आणि दुर्मिळ देवराया आढळतात, हा महत्त्वपूर्ण भू–पर्यावरणीय तपशील त्यांनी उपस्थितांसमोर मांडला. नैसर्गिक संसाधनांचे जतन–संवर्धन, स्थानिक जैवविविधतेचा आदर आणि वैज्ञानिक पद्धतीने संरक्षण उपाययोजना राबविणे यांची आवश्यकता त्यांनी अधोरेखित केली.

तृतीय सत्रात प्रमुख अतिथी डॉ. राजेंद्र केरकर यांनी पर्यावरणपूरक संसाधनांच्या संरक्षणामध्ये येणाऱ्या अडचणी, स्थानिकांच्या गरजा समजून घेत अभ्यासपूर्ण योजना तयार करणे, तसेच सरकारी परवानग्यांची गरज या महत्त्वपूर्ण मुद्द्यांवर सविस्तर मार्गदर्शन केले. “पुनर्संचयन प्रक्रिया यशस्वी होण्यासाठी समुदायाची साथ, पारंपरिक ज्ञानाचा अभ्यास आणि पर्यावरणपूरक योजना आवश्यक असतात,” असे त्यांनी सांगितले.

अध्यक्षीय भाषणात प्राचार्य प्रो.डॉ.धनराज गोस्वामी म्हणाले, “प्राचीन आणि दुर्मिळ प्रजातींचे संवर्धन ही आजच्या तरुण पिढीची जबाबदारी आहे. देवराई हा केवळ धार्मिक परंपरेचा वारसा नसून तो स्थानिक समाजाचा पर्यावरणीय जीवंत दस्तऐवज आहे. त्याचे संरक्षण करण्यासाठी पारंपारिक ज्ञान, स्थानिक भागधारकांचा सहभाग आणि सातत्यपूर्ण जनजागृती अत्यावश्यक आहे.” तोड झालेल्या क्षेत्रात मूळ प्रजातींची लागवड केल्यास पुनरुज्जीवन जलद होते आणि स्थानिक संसाधनांवर आधारित जोडधंद्यांच्या माध्यमातून रोजगार निर्मितीची शक्यताही वाढते, असेही त्यांनी नमूद केले.

कार्यक्रमास महाविद्यालयातील वरिष्ठ व कनिष्ठ विभागातील प्राध्यापक, विद्यार्थी मोठ्या संख्येने उपस्थित होते. परिसंवादाचे सूत्रसंचालन हिंदी विभाग प्रमुख प्रा. व्ही. पी. नंदगिरीकर यांनी तर आय.क्यू.ए.सी. समन्वयक श्री. एस. एच. माने यांनी आभार मानले.

*सविस्तर बातमीसाठी खालील लिंक वर क्लिक करा…….👇👇👇👇*

 

 

 

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/GX6edZZhJPuIF8DertMr8J

 

*_💥कोकणवासीयांच्या ज्वलंत प्रश्नांवर प्रकाशझोत टाकणारे डॅशिंग न्यूज चॅनल..🔥_*

 

*_💥गोरगरिबांवरील होणाऱ्या अन्यायाला वाचा फोडणारे दिलासादायक व्यासपीठ..🔥_*

 

*🔥💥 कोकण लाईव्ह ब्रेकिंग 💥🔥*

_*अचूक बातमी थेट हल्ला*_

 

*🌐 जाहिराती व बातम्यांसाठी आजच भेट द्या….⬇️*

*♦संपादक : सीताराम गावडे*

*📱संपर्क : +919423304856*

 

*♦ब्युरो चीफ : विशाल पित्रे*

*📱संपर्क : +919405475712*

 

*▪️मुख्य कार्यालय*

*कोकण लाईव्ह ब्रेकिंग*

आस्था कॉम्प्युटर शेजारी,अजिंक्य लॉज खाली, बस स्टॅन्ड पाठीमागे

ता.सावंतवाडी, जि. सिंधुदुर्ग

——————————–

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Tweets by LiveKokan

 

*🖥️ कोकण लाईव्ह ब्रेकिंग*

_अचूक बातमी थेट हल्ला_