🛑मळगाव गावची परंपरागत आगळीवेगळी “मांजरी” प्रथा.

*🛑मळगाव गावची परंपरागत आगळीवेगळी “मांजरी” प्रथा.*

 

*🛑मांजरीस शुक्रवार मध्यरात्रीपासून सुरूवात.*

 

*🛑दोन दिवस,तीन रात्रींचा देवांच्या विश्रांतीचा कालावधी.*

 

*🛑मांजरी कालावधीत गावात मंदिरातील देवाची तसेच घरच्या देवाचीही पूजा नाही.*

 

*🛑मांजरी उठेपर्यंत गावातील सर्व धार्मिक कार्य बंद.*

 

*🛑मानकऱ्यांसहीत सर्व गाव एकोप्याने जपतोय हजारो वर्षांची परंपरा.*

 

*🎥 KOKAN LIVE BREAKING ||NEWS CHANNEL*

 

*✍️ प्रतिनिधी : सहदेव राऊळ*

 

*🎴सावंतवाडी, दि- २२:-* मळगाव गावच्या परंपरागत “मांजरी” या आगळ्यावेगळ्या प्रथेस काल शुक्रवार मध्यरात्रीपासून सुरूवात झाली आहे. मांजरी ही दोन दिवस आणि तीन रात्रींची असते. गावातील देवांचा विश्रांती घेण्याचा हा कालावधी असतो. या कालावधीत गावात मंदिरातील देवाची तसेच घरच्या देवाचीही पूजा केली जात नाही. तसेच या काळात देवाला दिवा लावणे, देवाची घंटा वाजवणे तसेच मांजरी उठेपर्यंत गावात कोणतेच धार्मिक कार्य केले जात नाही. हजारो वर्षांपासून चालत आलेली ही परंपरा गावातील मानकऱ्यांसहीत सर्व गाव एकोप्याने जपत आले आहे.

प्रत्येक आगळ्यावेगळ्या अशा काही ठराविक प्रथा असतात. काही गाव तर या आगळ्यावेगळ्या प्रथा जोपासण्याची ओळखले जातात. मळगाव गावाचीही अशाच आगळ्यावेगळ्या प्रथा जोपासण्यासाठी तालुक्यात विशेष ओळख आहे. अशीच एक मळगाव गावची आगळीवेगळी प्रथा म्हणजे “मांजरी”. मळगाव गावचे पंचायतन (देवाची तरंगकाठी, माऊली, रवळनाथ, भूतनाथ, पालखी त्यात पूर्वचारी देवाची उत्सव मुर्ती) हे सोनुर्ली येथे श्री देवी माऊलीच्या जत्रोत्सवास जाते. तेथे जत्रोत्सव पार पडल्यावर थोडे राहून पाहुणचार केला जातो. त्यानंतर सोनुर्ली येथे मळगाव गावचे राऊळ व गावकर आदी मानकरी जातात. तेथे कौलप्रसाद घेऊन पंचायतन मळगावला नेण्याचा कौल झाला की ते सर्व घेऊन मानकरी परतीच्या वाटेला लागतात. हे पंचायतन घेऊन मळगावमध्ये कुळाच्या घरी (राऊळ) ठेवले जाते. त्यानंतर पंचायतनचे सर्व देव कुळाच्या घरीच स्थायिक असतात. मांजरी बसायच्या अगोदर हे सर्व पंचायतन देवदिपावलीच्या दिवशी कुळाच्या घरी पंचारती करून वाजत गाजत रात्री मळगावातील गर्द वनराईत असलेल्या माया पुर्वचारी देवाच्या मंदिरात जायला निघते. मंदिरात पोहचायला जवळजवळ एक तासाचा कालावधी लागतो. मंदिरात गेल्यावर धुपारती करून पंचायतन मंदिराच्या सभामंडपात मंलगुन ठेवतात. पालखीतली उत्सव मुर्ती पुर्वचारी देवाच्या पाषाणाजवळ ठेवली जाते. मग मंदिरामध्ये थळ (गावकर) आणि कुळ (राऊळ) तसेच बाहेर दांडेकर यांच्यासाठी बांबुपासून बनवलेली मांजरी (डाळी) घातली जाते. त्यानंतर पाषाणाजवळ कटू पणाचा न सोललेला नारळ ठेऊन मांजरी बसल्याच गाऱ्हाणे बोलले जाते. गाऱ्हाणे झाल्यावर खऱ्या अर्थाने मांजरीस सुरूवात होते. मंदिरात राहणारे मानकरी सोडले तर इतर कोणीही मंदिरात थांबत नाहीत. सर्व मंडळी आपआपल्या घरी निघून जातात, या दिवसात जेवणासाठी लागणारे साहित्य ते आपल्या बरोबर घेऊन जातात. मांजरी ही दोन दिवस आणि तीन रात्रींची असते. मंदिरात थांबलेले सर्व मानकरी त्या दिवसात मंदिर सोडून कुठेही जाऊ शकत नाही.

मांजरीच्या काळात मळगाव गावातील कुठल्याही मंदिरात, गावातील घरात देवाची पूजा केली जात नाही. या दिवसात देवाला दिवाही लावला जात नाही. देवाची घंटा वाजवली जात नाही. तसेच गावात इतर कुठलेही वाद्य वाजविले जात नाही. या काळात गावातील व्यक्ती कामानिमित्त गावाबाहेर जाऊ शकते, पण सायंकाळी पुन्हा गावात याव लागत. जर एखादी व्यक्ती या काळात गावाबाहेर राहिली तर मांजरी उठेपर्यंत तीन दिवस गावात येऊ शकत नाही. जर कोणाला गावाबाहेर जायचे असल्यास आणि दोन दिवस रहायचे असल्यास त्याने मांजरी बसायच्या आधी बाहेर गावी जायचे ते तिसऱ्या दिवशी मांजरी उठल्यावर गावात यायचे, अशी रित आणि देवाचं बंधन आहे, तिसऱ्या रात्रीच्या पहाटे मंदिराच्या पायरीवर देवाचा वाघ येऊन तीन डरकाळ्या फोडतो. तसेच आपल्या शेपटीने अंगण साफ करून निघुन जातो. त्यानंतर अवसार उभे राहून मांजरी उठल्याचा कौल दिल्यावर तिसऱ्या दिवशी पहाटे मांजरी उठवली जाते. मांजरी उठल्यावर मंदिर परिसरात झाडलोट केली जाते. त्यानंतर गावातील सर्व धार्मिक कार्यांना पुन्हा एकदा मोठ्या उत्साहात सुरुवात होते. ज्या दिवशी मांजरी उठते त्याच दिवशी श्री देव मायापूर्वचारी देवाचा जत्रोत्सव होतो तर दुसऱ्या दिवशी श्री देव भूतनाथ देवाचा जत्रोत्सव होतो. दरवर्षीप्रमाणे याहीवर्षी शुक्रवार मध्यरात्रीपासून मांजरीस सुरुवात झाली असून दोन दिवस आणि तीन रात्रीनंतर सोमवारी पहाटे मांजरी उठणार आहे. त्यानंतर मायापूर्वचारी जत्रोत्सव सोमवार २४ नोव्हेंबर रोजी तर भूतनाथ जत्रोत्सव मंगळवार २५ नोव्हेंबर रोजी होणार आहे. अशीही मळगाव गावची आगळी वेगळी ‘मांजरी’ ची प्रथा मानकरी व सर्व गाव एकोप्याने जपत आले आहे.

*सविस्तर बातमीसाठी खालील लिंक वर क्लिक करा…….👇👇👇👇*

 

 

 

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/GX6edZZhJPuIF8DertMr8J

 

*_💥कोकणवासीयांच्या ज्वलंत प्रश्नांवर प्रकाशझोत टाकणारे डॅशिंग न्यूज चॅनल..🔥_*

 

*_💥गोरगरिबांवरील होणाऱ्या अन्यायाला वाचा फोडणारे दिलासादायक व्यासपीठ..🔥_*

 

*🔥💥 कोकण लाईव्ह ब्रेकिंग 💥🔥*

_*अचूक बातमी थेट हल्ला*_

 

*🌐 जाहिराती व बातम्यांसाठी आजच भेट द्या….⬇️*

*♦संपादक : सीताराम गावडे*

*📱संपर्क : +919423304856*

 

*♦ब्युरो चीफ : विशाल पित्रे*

*📱संपर्क : +919405475712*

 

*▪️मुख्य कार्यालय*

*कोकण लाईव्ह ब्रेकिंग*

आस्था कॉम्प्युटर शेजारी,अजिंक्य लॉज खाली, बस स्टॅन्ड पाठीमागे

ता.सावंतवाडी, जि. सिंधुदुर्ग

——————————–

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Tweets by LiveKokan

 

*🖥️ कोकण लाईव्ह ब्रेकिंग*

_अचूक बातमी थेट हल्ला_