🛑 शिक्षण प्रसारक मंडळाच्या ‘प्रियदर्शनी’ वसतिगृहास उच्च शिक्षण सहसंचालक डॉ. बोंदर यांची प्रेरणादायी सदिच्छा भेट

🎥 KOKAN LIVE BREAKING || NEWS CHANNEL

✍️ ब्युरो न्यूज : कोकण लाईव्ह ब्रेकिंग

🎴वेंगुर्ला, दि-२०:- शिक्षण प्रसारक मंडळ, कोल्हापूर संचलित प्रियदर्शनी मुलींचे वसतिगृह, वेंगुर्ला येथे कोकण विभागाचे सहसंचालक (उच्च शिक्षण) डॉ. किरणकुमार बोंदर यांनी सदिच्छा भेट देऊन वसतिगृहातील विविध सुविधांची सखोल पाहणी केली. त्यांच्या प्रेरणादायी भेटीमुळे विद्यार्थिनींमध्ये उत्साहाचे आणि सकारात्मक ऊर्जेचे वातावरण निर्माण झाले.

या भेटीदरम्यान डॉ. बोंदर यांनी निवासकक्ष, अभ्यास कक्ष, ग्रंथालय, भोजनालय, स्वच्छता व्यवस्था, सुरक्षेसाठी बसविलेली सीसीटीव्ही यंत्रणा, तसेच क्रीडा आणि सांस्कृतिक उपक्रमांसाठी उपलब्ध असलेल्या सुविधा यांचा तपशीलवार आढावा घेतला. विद्यार्थिनींना आणखी सक्षम आणि सुरक्षित वातावरण प्राप्त होण्यासाठी वसतिगृहाच्या अधीक्षिका महिमा महेंद्र घाडी यांच्यासोबत त्यांनी सखोल चर्चा केली. सध्या वसतिगृहात उपलब्ध असलेला दर्जेदार वातावरणात आणखी भर घालण्यासाठी डिजिटल संसाधनांची वाढ आणि करिअर मार्गदर्शन कक्षाच्या बळकटीकरणाची आवश्यकता असल्याचे त्यांनी सांगितले.

वसतिगृह व्यवस्थापक सुरेंद्र चव्हाण यांनी वसतिगृहात राबविण्यात येणाऱ्या व्यक्तिमत्त्व विकास उपक्रम, आरोग्य तपासणी शिबिरे, कौशल्याधारित कार्यशाळा आणि विद्यार्थिनींच्या सर्वांगीण विकासासाठी होत असलेल्या सातत्यपूर्ण प्रयत्नांची माहिती दिली. “हे वसतिगृह केवळ राहण्याची जागा नसून विद्यार्थिनींच्या उज्ज्वल भविष्याची प्रयोगशाळा आहे,” असे ते म्हणाले.

भेटीतील सर्वात महत्त्वाचा भाग म्हणजे विद्यार्थिनींशी डॉ. बोंदर यांनी साधलेला मुक्त आणि उत्स्फूर्त संवाद. उच्च शिक्षणातील नव्याने उपलब्ध होत असलेल्या संधी, नोकरीसाठी आवश्यक कौशल्ये, करिअर नियोजनाचे महत्त्व, महिलांच्या आर्थिक स्वावलंबनाची गरज या विषयांवर त्यांनी विद्यार्थिनींना उत्तम मार्गदर्शन केले. विद्यार्थिनींनीही यावेळी शैक्षणिक प्रश्न, व्यक्तिगत शंका आणि भविष्यकालीन योजना याबाबत त्यांना विचारले असून डॉ. बोंदर यांनी प्रत्येक प्रश्नाला योग्य असे सकारात्मक मार्गदर्शन दिले. त्यांनी विद्यार्थिनी यांनी ज्या समस्या मांडल्या त्याची शासन दरबारी नोंद घेतली जाईल हे प्रतिपादन केले.

डॉ. बोंदर यांनी शिक्षण प्रसारक मंडळाच्या कार्याचा गौरव करत, “विद्यार्थिनींसाठी उभी केलेली व्यवस्था अत्यंत प्रशंसनीय आहे. हे वसतिगृह विद्यार्थिनींमध्ये शिस्त, स्वावलंबन आणि प्रगतीची भावना रुजवणारे संवर्धन केंद्र आहे. कोकण विभागात उच्च शिक्षणाच्या गुणवत्तावृद्धीसाठी आम्ही भविष्यात अधिक प्रगत पायाभूत सुविधा उभारण्यासाठी प्रयत्नशील राहू,” असे मत व्यक्त केले.

या प्रसंगी बॅरिस्टर बाळासाहेब खर्डेकर महाविद्यालयाचे प्राचार्य डॉ. धनराज गोस्वामी, संस्था प्रतिनिधी सुरेंद्र चव्हाण, डॉ. बी. जी. गायकवाड, शिक्षण प्रसारक मंडळाचे इतर प्रतिनिधी, कार्यालयीन कर्मचारी आणि वसतिगृह कर्मचारी उपस्थित होते. तसेच संस्थेचे सचिव प्रा. जयकुमार देसाई, चेअरपर्सन डॉ. मंजिरी मोरे-देसाई आणि पेट्रन कौन्सिल सदस्य दौलतराव देसाई यांनीही सदिच्छा भेटीबद्दल कौतुक व्यक्त करून वसतिगृहाच्या प्रगतीसाठी शुभेच्छा दिल्या.

डॉ. बोंदर यांच्या सदिच्छा भेटीमुळे प्रियदर्शनी वसतिगृहाच्या शैक्षणिक, सामाजिक आणि पायाभूत सुविधांना नवी दिशा मिळाल्याची भावना उपस्थित सर्वांनी व्यक्त केली. विद्यार्थिनींच्या सुरक्षित, सक्षम आणि गुणवत्तापूर्ण शिक्षणपर परिसरनिर्मितीसाठी ही भेट अत्यंत मोलाची ठरली.

 

*………….सविस्तर बातमीसाठी खालील लिंक वर क्लिक करा…….👇👇👇👇*

 

 

 

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/G0QkRHSM8pVG6G6esWNkkp

 

*_💥कोकणवासीयांच्या ज्वलंत प्रश्नांवर प्रकाशझोत टाकणारे डॅशिंग न्यूज चॅनल..🔥_*

 

*_💥गोरगरिबांवरील होणाऱ्या अन्यायाला वाचा फोडणारे दिलासादायक व्यासपीठ..🔥_*

 

*🔥💥 कोकण लाईव्ह ब्रेकिंग 💥🔥*

_*अचूक बातमी थेट हल्ला*_

 

*🌐 जाहिराती व बातम्यांसाठी आजच भेट द्या….⬇️*

*♦संपादक : सीताराम गावडे*

*📱संपर्क : +919423304856*

 

*♦ब्युरो चीफ : विशाल पित्रे*

*📱संपर्क : +919405475712*

 

*▪️मुख्य कार्यालय*

*कोकण लाईव्ह ब्रेकिंग*

आस्था कॉम्प्युटर शेजारी,अजिंक्य लॉज खाली, बस स्टॅन्ड पाठीमागे

ता.सावंतवाडी, जि. सिंधुदुर्ग

——————————–

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Tweets by LiveKokan

 

 

*🖥️ कोकण लाईव्ह ब्रेकिंग*

_अचूक बातमी थेट हल्ला_