🛑सिंधुदुर्गच्या शौर्यपरंपरेला राष्ट्रीय स्तरावरील नवा मुकुट- पालकमंत्री नितेश राणे.

*🛑सिंधुदुर्गच्या शौर्यपरंपरेला राष्ट्रीय स्तरावरील नवा मुकुट- पालकमंत्री नितेश राणे.*

 

*🛑सावंतवाडीत ‘भोसले सैनिक स्कूल’चा लोकार्पण सोहळा उत्साहात संपन्न.*

 

*🎥 KOKAN LIVE BREAKING ||NEWS CHANNEL*

 

*✍️ ब्युरो न्युज : कोकण लाईव्ह ब्रेकिंग*

 

*🎴सावंतवाडी, दि- १५:-* सिंधुदुर्ग जिल्ह्याची ओळख सैनिकी परंपरेने नटलेली आहे. या जिल्ह्याच्या मातीने अनेक शूरवीर घडवले, अनेकांनी राष्ट्ररक्षणासाठी प्राणर्पण केले. अशा भूमीत कोकणातील पहिले आणि संरक्षण मंत्रालय, भारत सरकार मान्यताप्राप्त ‘भोसले सैनिक स्कूल’ सुरू झाल्याने इतिहासात नव्या सुवर्णपानाची भर पडली आहे. राज्याचे मत्स्यव्यवसाय व बंदरे विकास मंत्री तथा जिल्ह्याचे पालकमंत्री ना. नितेश राणे यांच्या हस्ते रविवारी या भव्य संस्थेचे उद्घाटन उत्साहपूर्ण वातावरणात पार पडले.

*“जिल्ह्याच्या शौर्याला नवा आयाम” – नितेश राणे*

उद्घाटन सोहळ्यात बोलताना पालकमंत्री नितेश राणे यांनी जिल्ह्याच्या ऐतिहासिक परंपरेचा उल्लेख करत सांगितले की,

“सिंधुदुर्ग हा सैनिकांचा जिल्हा. येथे सैनिक स्कूल उभे राहणे म्हणजे जिल्ह्याच्या वारशाला नवा आयाम. भविष्यात येथून राष्ट्ररक्षक अधिकारी घडतील आणि ते स्वतःचा परिचय ‘भोसले सैनिक स्कूल’चे विद्यार्थी म्हणून देतील, तेव्हा जिल्ह्याला अभिमान वाटेल. ही खरी शहीद सैनिकांना आदरांजली आहे.”राणे यांनी सांगितले की सैनिक स्कूल हा राणे कुटुंबासाठी जिव्हाळ्याचा विषय असून, “नाशिक सैनिक स्कूलला दिलेल्या भेटीत अशा संस्थेचे महत्त्व अधिक जाणवले. त्यामुळे असेच स्कूल आपल्या सिंधुदुर्गात सुरू होत आहे याचा सार्थ अभिमान आहे,” असेही ते म्हणाले.

यावेळी त्यांनी नागरिकांना थेट आश्वासन दिले —“या जिल्ह्यात तुम्हाला जर काही अडचण आली तर ती तुमची नाही, नितेश राणेंची समजा. केवळ एक फोन करा, उरलेली जबाबदारी माझी.”

*मोदींच्या नेतृत्वात देश सुरक्षित – राणे*

मालवण किनाऱ्यावर नुकताच पंतप्रधान नरेंद्र मोदी यांच्या उपस्थितीत पार पडलेला ‘नौदल दिन’ सोहळा जिल्ह्यासाठी भूषणावह ठरल्याचा उल्लेखही त्यांनी केला. पुढे म्हणाले,“आज मोदींच्या नेतृत्वाखाली देश सुरक्षित आहे. अशा काळात सैनिक स्कूलची स्थापना ही कोकणातील विद्यार्थ्यांसाठी सुवर्णसंधी आहे.”

*“सावंतवाडीत सैनिक स्कूल — स्वप्नवत क्षण” – आमदार दीपक केसरकर*

कार्यक्रमाचे प्रमुख पाहुणे असलेले माजी शालेय शिक्षणमंत्री आ. दीपक केसरकर यांनी या उपक्रमाचे कौतुक करताना म्हटले,

“डिप्लोमा कॉलेजपासून सुरू झालेला भोसले नॉलेज सिटीचा प्रवास आज वैश्विक दर्जाच्या सैनिक स्कूलपर्यंत पोहोचला आहे. परफेक्शन ही अच्युत भोंसले यांची खासियत असून, संरक्षण मंत्रालयाच्या मंजुरीसह सुरू होणारे हे स्कूल कोकणातील पहिले आहे, ही अभिमानाची बाब आहे.”ते पुढे म्हणाले की,“सावंतवाडी तालुक्यात राष्ट्रीय स्तरावरील सैनिकी संस्था उभी राहणे म्हणजे या परिसरासाठी ऐतिहासिक टप्पा. या संस्थेचा प्रवास निश्चितच उज्ज्वल असेल.”

*सैनिक अधिकारी घडविणारे केंद्र — अच्युत सावंत भोंसले*

भोंसले सैनिक स्कूलचे कार्याध्यक्ष अच्युत सावंत भोंसले यांनी सातत्यपूर्ण प्रयत्नांची कहाणी मांडताना सांगितले की,

“सैनिक स्कूल उभारण्याची संकल्पना खूप वर्षांपूर्वी मनात होती. मुलांमध्ये शिस्त, राष्ट्रनिष्ठा आणि ध्येयवाद रुजवण्यासाठी अशी संस्था गरजेची होती. तीन वर्षांच्या सातत्यपूर्ण प्रयत्नांनंतर संरक्षण मंत्रालयाची मान्यता मिळाली. हे कोकणातील एकमेव केंद्रीय मान्यता प्राप्त सैनिक स्कूल आहे.”त्यांनी स्पष्ट केले की,

“सावंतवाडी हा सैनिकांचा तालुका म्हणून प्रसिद्ध. येथे घडणाऱ्या विद्यार्थ्यांमधून भविष्यात सैन्यातील अधिकारी घडावेत, हेच आमचे ध्येय आहे. या स्कूलमुळे कोकणातील विद्यार्थ्यांना सैनिकी करिअरची सुवर्णसंधी उपलब्ध होईल.

*उद्घाटन सोहळा भव्य – मान्यवरांची उपस्थिती*

या भव्य सोहळ्यास माजी शालेय शिक्षण मंत्री दीपक केसरकर, जिल्हा बँक अध्यक्ष मनीष दळवी, भोंसले नॉलेज सिटीच्या अध्यक्षा अॅड. अस्मिता भोंसले, सचिव संजीव देसाई, सैनिक स्कूलचे सीईओ रत्नेश सिन्हा, पूर्व सैनिक संघटनांचे वरिष्ठ पदाधिकारी, तसेच अभाविपचे कोकण प्रांतमंत्री निरज चौधरकर उपस्थित होते.

प्रमुख अतिथींचा सन्मान करण्यात आला. कार्यक्रमाचे सुत्रसंचालन प्रा. अमर प्रभू यांनी केले. रत्नेश सिन्हा यांनी भोसले सैनिक स्कूलची सर्वंकष माहिती सादर केली.जिल्ह्यातील विविध मान्यवर, सामाजिक कार्यकर्ते, शिक्षक, पालक आणि विद्यार्थी मोठ्या संख्येने उपस्थित राहून उद्घाटन सोहळ्याला अभूतपूर्व प्रतिसाद दिला.

*सिंधुदुर्गातील शिक्षणाचा दर्जा उंचावतोय*

उद्घाटन प्रसंगी पालकमंत्री राणे यांनी माजी मुख्यमंत्री खासदार नारायण राणे यांच्या कार्याचा उल्लेख करत सांगितले की,“इंजिनिअरिंग आणि मेडिकल कॉलेजसह अनेक शैक्षणिक संस्था उभारून त्यांनी जिल्ह्यातील शिक्षण दर्जेदार केले. आज

दहावी–बारावीच्या निकालात सिंधुदुर्ग अव्वल येतो, ते त्यांच्या प्रयत्नांमुळेच.”आ. केसरकर यांच्या शालेय शिक्षण मंत्रीपदाच्या काळात घेतलेल्या धोरणात्मक निर्णयांचीही त्यांनी प्रशंसा केली.

*जिल्ह्याच्या इतिहासात सुवर्णपान… भविष्याची भक्कम पायाभरणी*

*भोसले सैनिक स्कूलमुळे*

▪ कोकणातील पहिल्यांदाच संरक्षण मंत्रालय मान्यताप्राप्त सैनिकी प्रशिक्षण संस्थेचा लाभ

▪ शिस्तबद्ध, राष्ट्रनिष्ठ आणि सक्षम अधिकारी घडविण्याचे ध्येय

▪ सावंतवाडीच्या सैनिकी परंपरेला बळकटी

▪ विद्यार्थ्यांसाठी नवीन करिअरच्या दिशा

*जिल्ह्याच्या शैक्षणिक प्रगतीत मोठी भर*

या संस्थेचे उद्घाटन केवळ एक कार्यक्रम नसून, सिंधुदुर्ग जिल्ह्याच्या शौर्य परंपरेला, शिक्षणाला आणि भविष्याला मिळालेला नवा मुकुट आहे.

*सविस्तर बातमीसाठी खालील लिंक वर क्लिक करा…….👇👇👇👇*

 

 

 

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/GX6edZZhJPuIF8DertMr8J

 

*_💥कोकणवासीयांच्या ज्वलंत प्रश्नांवर प्रकाशझोत टाकणारे डॅशिंग न्यूज चॅनल..🔥_*

 

*_💥गोरगरिबांवरील होणाऱ्या अन्यायाला वाचा फोडणारे दिलासादायक व्यासपीठ..🔥_*

 

*🔥💥 कोकण लाईव्ह ब्रेकिंग 💥🔥*

_*अचूक बातमी थेट हल्ला*_

 

*🌐 जाहिराती व बातम्यांसाठी आजच भेट द्या….⬇️*

*♦संपादक : सीताराम गावडे*

*📱संपर्क : +919423304856*

 

*♦ब्युरो चीफ : विशाल पित्रे*

*📱संपर्क : +919405475712*

 

*▪️मुख्य कार्यालय*

*कोकण लाईव्ह ब्रेकिंग*

आस्था कॉम्प्युटर शेजारी,अजिंक्य लॉज खाली, बस स्टॅन्ड पाठीमागे

ता.सावंतवाडी, जि. सिंधुदुर्ग

——————————–

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Tweets by LiveKokan

 

*🖥️ कोकण लाईव्ह ब्रेकिंग*

_अचूक बातमी थेट हल्ला_