🛑सातार्डा पंचक्रोशी टिळक ग्रंथालयाच्या सुवर्ण महोत्सवी वर्षाचा सांगता सोहळा उत्साहात संपन्न.

*🛑सातार्डा पंचक्रोशी टिळक ग्रंथालयाच्या सुवर्ण महोत्सवी वर्षाचा सांगता सोहळा उत्साहात संपन्न.*

 

*🎥 KOKAN LIVE BREAKING ||NEWS CHANNEL*

 

*✍️ प्रतिनिधी : मदन मुरकर*

 

*🎴सावंतवाडी, दि- १३:-* सातार्डा पंचक्रोशी टिळक ग्रंथालयाच्या सुवर्ण महोत्सवी वर्षाचा सांगता सोहळा श्री देव महापुरुष मंदिर येथे प्रमुख मान्यवरांच्या उपस्थितीत संपन्न झाला.

यावेळी सिंधुदुर्ग जिल्हा ग्रंथालय संघाचे अध्यक्ष मंगेश मसके यांनी आपल्या अध्यक्षीय भाषणातून सांगितले की,सातार्डा पंचक्रोशी टिळक ग्रंथालयाने गेली ५० वर्ष ग्रंथालय चळवळीची चांगली सेवा केली आहे. एखादी संस्था स्थापन करणे सोपे असते पण ती संस्था पन्नास वर्षे टिकविणे म्हणजे अतिशय कठीण काम आहे. हे कठीण व सुंदर काम या ग्रंथालयाने केले आहे. सिंधुदुर्ग जिल्ह्यातील १२८ ग्रंथालयातील हे एक सुंदर ग्रंथालय आहे. ग्रामीण भागामध्ये हे ग्रंथालय आपण टिकवून ठेवलात हे खरोखरच कौतुकास्पद असल्याचे त्यांनी सांगितले.

सातार्डा पंचक्रोशी टिळक ग्रंथालयाच्या सुवर्ण महोत्सवी वर्षाचा सांगता सोहळा वर्षभर आयोजित विविध स्पर्धांच्या बक्षीस वितरण कार्यक्रमाने झाला. योगेश मांजरेकर पुरस्कृत बक्षीस वितरण कार्यक्रमात विविध स्तरावरील मान्यवर उपस्थित होते.

कार्यक्रमाची सुरुवात विद्यार्थ्यांच्या स्वागत गीताने तसेच उपस्थित पाहुण्यांच्या स्वागताने करण्यात आली .तसेच स्पर्धेचे उद्घाटन भाजप युवा नेते तथा उद्योजक विशाल परब व उपस्थित मान्यवरांच्या हस्ते दीप प्रज्वलनाने करण्यात आले .

यावेळी परब यांनी,वाचन संस्कृतीच्या सोनेरी वाटचालीचा आजचा क्षण खरोखरच भाग्याचा आहे. पंचक्रोशीतील नागरिकांनी गेल्या पाच दशकांपासून वाचन संस्कृतीची जपणूक करून ती अधिक संपन्न केली. आजच्या डिजिटल युगात वाचन संस्कृती टिकवून ठेवणे ही गौरवास्पद बाब आहे . या ग्रंथालयाच्या सुवर्ण महोत्सवी वर्षाच्या सांगता सोहळ्याच्या उद्घाटनाचा मान आपल्याला मिळाल्याचा खरोखरच अभिमान आहे .असे मनोगत विशाल परब यांनी व्यक्त केले.

यावेळी व्यासपीठावर जिल्हा ग्रंथालय संघाचे माजी अध्यक्ष तथा महाराष्ट्र राज्याचा ग्रंथमित्र पुरस्कार प्राप्त अनंत आपाजी वैद्य, जि. प. माजी महिला व बालकल्याण सभापती शर्वाणी गावकर , पंचायत समिती माजी सदस्या श्रुतिका बागकर, उबाठा शिवसेना सावंतवाडीचे विधानसभा प्रमुख रुपेश राऊळ, उद्योजक दत्ता कवठणकर, सातार्डा सरपंच संदीप प्रभू, कवठणी सरपंच अजित कवठणकर, सातोसे सरपंच प्रतीक्षा मांजरेकर, कवठणी माजी सरपंच शेखर गावकर, सातार्डा माजी सरपंच उदय पारिपत्ये , गजानन शिरसाट, मंडळाचे अध्यक्ष ज्ञानेश्वर मांजरेकर, पुरस्कर्ते योगेश मांजरेकर, ग्रामपंचायत सदस्या शर्मिला मांजरेकर, सातार्डा पोलीस पाटील विनिता मयेकर, सातोसे पोलीस पाटील संदीप सातार्डेकर, सामाजिक कार्यकर्ते सुदन कवठणकर आदी मान्यवर उपस्थित होते.

कार्यक्रमात रुपेश राऊळ यांनी आपल्या मनोगतातून वाचनाचे महत्त्व अधोरेखित केले. मंडळाने सुवर्ण महोत्सवी वर्षानिमित्त आयोजित केलेले सर्व कार्यक्रम, स्पर्धा खरोखरच कौतुकास्पद आहेत. यश मिळवण्यासाठी विद्यार्थ्यांनी सतत प्रयत्नशील राहायला पाहिजे त्यासाठी वाचनाची कास धरणे आवश्यक आहे, असे विचार व्यक्त करून मोबाईल चा वापर मुलांनी कमी करून पुस्तकांचे वाचन करावे असे आवाहन केले.

अनंत वैद्य,शर्वाणी गावकर, संदीप प्रभू यांनी आपल्या मनोगतातून ग्रंथालयाच्या सुवर्ण महोत्सवी वर्षानिमित्त आयोजित सर्व उपक्रमांचे कौतुक करून उपस्थित स्पर्धकांचे अभिनंदन केले.

प्रास्ताविकात ग्रंथालयाचे अध्यक्ष ज्ञानेश्वर मांजरेकर यांनी ग्रंथालयाच्या गेल्या पन्नास वर्षाच्या इतिहासाचा आढावा दिला.तसेच सुवर्ण महोत्सवी वर्षात आयोजित केलेल्या स्पर्धा व विविध उपक्रम यांची माहिती दिली.

वर्षभर आयोजित विविध स्पर्धेतील विजेत्यांना रोख रक्कम, प्रमाणपत्र ,सन्मान चिन्ह व मूल्य संस्कार पुस्तक देऊन गौरवण्यात आले.

तसेच या कार्यक्रमाचे औचित्य साधून मास्टर ऑफ सायन्स फार्मा मध्ये सुवर्णपदक प्राप्त कुमारी नेहा तुळशीदास मयेकर, ग्रंथमित्र पुरस्कार प्राप्त सिंधुदुर्ग जिल्हा ग्रंथालय संघाचे माजी अध्यक्ष अनंत वैद्य, शालांत प्रमाणपत्र परीक्षा २०२५ मध्ये सातार्डा हायस्कूल मधून ९७.२० % गुण मिळवून प्रथम क्रमांक प्राप्त पालवी प्रदीप नाईक तसेच गेली ४५ वर्ष ग्रंथालयाला अविरतपणे सेवा देणारे ग्रंथालयाचे ग्रंथपाल संजय कवठणकर यांचा शाल,श्रीफळ, सन्मानचिन्ह व पुष्पगुच्छ देऊन विशेष सत्कार करण्यात आला.

तसेच विशेष सहकार्याबद्दल स्नेहल बागकर यांना सन्मानित करण्यात आले.

कार्यक्रमास ग्रंथालयाचे कार्यवाह धनंजय केरकर, सहकार्यवाहक ज्ञानदीप राऊळ , सल्लागार नारायण बागकर, सदस्य प्रसाद मांजरेकर, पांडुरंग हळदणकर, दीपक मांजरेकर, आनंद तानावडे, बाबी मेस्त्री, संदेश कवठणकर, ओमकार कवठणकर, परशुराम मांजरेकर, प्रभाकर मांजरेकर ,सदू सातार्डेकर ,समिधा मांजरेकर, चंद्रशेखर धानजी, तुळशीदास मयेकर, रवींद्र कवठणकर ,मकरंद मांजरेकर , उत्कर्षा आरोंदेकर ,शामसुंदर बागकर ,श्रीधर बागकर, नंदकिशोर मांजरेकर, शंकर कवठणकर ,हेमंत बागकर ,मेघश्याम बागकर, विलास मांजरेकर, गणेश मांजरेकर ,सृष्टी राऊळ, संज्योती पेडणेकर, संतोष चव्हाण ,सतीश गावडे, दत्ता भगत , कौस्तुभ पेडणेकर,सर्व विजेते स्पर्धक, शिक्षक, पालक, वाचक, ग्रामस्थ व हितचिंतक उपस्थित होते.

कार्यक्रमाचे सूत्रसंचालन धनंजय केरकर व आभार प्रसाद मांजरेकर यांनी मानले.

*सविस्तर बातमीसाठी खालील लिंक वर क्लिक करा…….👇👇👇👇*

 

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/GX6edZZhJPuIF8DertMr8J

 

*_💥कोकणवासीयांच्या ज्वलंत प्रश्नांवर प्रकाशझोत टाकणारे डॅशिंग न्यूज चॅनल..🔥_*

 

*_💥गोरगरिबांवरील होणाऱ्या अन्यायाला वाचा फोडणारे दिलासादायक व्यासपीठ..🔥_*

 

*🔥💥 कोकण लाईव्ह ब्रेकिंग 💥🔥*

_*अचूक बातमी थेट हल्ला*_

 

*🌐 जाहिराती व बातम्यांसाठी आजच भेट द्या….⬇️*

*♦संपादक : सीताराम गावडे*

*📱संपर्क : +919423304856*

 

*♦ब्युरो चीफ : विशाल पित्रे*

*📱संपर्क : +919405475712*

 

*▪️मुख्य कार्यालय*

*कोकण लाईव्ह ब्रेकिंग*

आस्था कॉम्प्युटर शेजारी,अजिंक्य लॉज खाली, बस स्टॅन्ड पाठीमागे

ता.सावंतवाडी, जि. सिंधुदुर्ग

——————————–

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Tweets by LiveKokan

 

*🖥️ कोकण लाईव्ह ब्रेकिंग*

_अचूक बातमी थेट हल्ला_