🛑पिंगुळीतील दहशत भू माफीयांच्या टोळी कडूनच..जमीन वादासाठी एका गरीब कुटुंबाला मारहाण.

*🛑पिंगुळीतील दहशत भू माफीयांच्या टोळी कडूनच..जमीन वादासाठी एका गरीब कुटुंबाला मारहाण.*

 

*🛑भू माफीयांची फसवा फसवी एका गरीब कुटुंबाला भोगावी लागते.*

 

*🛑या सिंधुदुर्गाला गिळंकृत करु पाहणाऱ्या भूमाफियाचा बाॅस कोण?*

 

*🎥 KOKAN LIVE BREAKING ||NEWS CHANNEL*

 

*✍️ संपादकीय : सीताराम गावडे*

 

*🎴सावंतवाडी, दि- ०८:-* मुंबई–गोवा महामार्गाजवळील पिंगुळी-धुरीटेंबनगर येथे बुधवारी रात्री सुमारे दहा वाजताच्या सुमारास घडलेली घटना खरोखरच धक्कादायक आहे. जमीन-जागेच्या वादातून एका कुटुंबावर लाकडी दांडे व लोखंडी रॉडने केलेली मारहाण — यात पती-पत्नी आणि त्यांच्या दोन मुलांसह चार जण जखमी झाले. जखमींवर गावातील ग्रामीण रुग्णालयात उपचार सुरू आहेत. या प्रकरणी फिर्याद म्हणजेच तक्रार कुटुंबाकडून कुडाळ पोलिस ठाण्यात दाखल करण्यात आली आहे.

हे फक्त एका कुटुंबाशी घडलेला अन्याय नाही — हा संपूर्ण जिल्ह्यातील छोट्या मालमत्ताधारकांवरील धमक्याचा, भूमाफियांच्या कृतींचा आणि प्रशासनाच्या निष्क्रियतेचा गंभीर दाखला आहे. या मागची सत्य घटना मी तुम्हाला साध्या शब्दांत समजून घेऊ या आणि काय करावे हे पाहूया.

*प्रथम — काय घडले?*

एका कुटुंबाची जमीन काही दलालांमार्फत विक्री-वाटाघाटीच्या तू अडथळ्यांत अडकली. त्या कुटुंबाची जागा त्याच्या प्रोजेक्ट च्या मध्ये येऊ लागली,त्या भूमाफीयाने गोड बोलून कुटुंबाचे मन जिंकले आणि त्याच प्लाॅट मध्ये दुसरी कडे जागा दिली त्याने त्या जागेत साधे पत्र्याचे घर बांधले पण ती जागा नावावर झाली नाही तो त्या भूमाफिया कडे जागा नावर करून देण्यासाठी तगादा लावू लागला तो काही नावावर करेना ,त्याने चोकशी केली तेव्हा असे समजले त्या भूमाफिया ने त्या जागेवर ३५ लाखाचे कर्ज बॅक कडून घेतले आहे व बॅकेचा बोजा आहे. कालांतराने त्या भूमाफिया ने ती जागा दुसऱ्या पार्टीला विकायची ठरवली त्या पार्टीने त्या जागेला संरक्षक भिंत घालून त्या कुटुंबाची त्यांच्या घराकडे जाण्याचा मार्ग बंद करण्याचा प्रयत्न केला व तेथेच वादाला ठिणगी पडली,खरे तर त्या देखण्या प्लाॅटींग मध्ये त्या पत्र्याच्या घराचा अडथळा होता व यासाठीच संरक्षक भिंतीचा खटाटोप होता.व त्यातूनच त्या दलालांच्या सांगण्यावरून येणाऱ्या लोकांनी त्या कुटुंबावर गोंगाट करून, मारहाणी करून, त्यांच्या वाहनांची नुकसान करण्याचा प्रयत्न केला. वेळोवेळी त्यांनी याबाबतची तक्रार कुडाळ पोलिस ठाण्यात दिली पण गरीबांना वाली कोण? त्या तक्रारीची साधी चौकशी पण करण्यात आली नाही त्यातूनच हे बाहेरून गुंड आणून मारहाण नाट्य घडले याबाबत पोलिसात त्यांच्याविरुद्ध गुन्हा नोंद झाला असून एकूण आठ जणांवर गुन्हा नोंदविण्यात गेला आहे.

*दुसरे— कुठे चूक घडली*

शासकीय व्यवस्था ही अनेक कारणांनी अपायकारक ठरते — दलालांची बेकायदेशीर कागदबाजी, जमीन खरेदी विक्रीची पारदर्शकता नाही ,बँकेच्या कर्तव्यांबाबतची माहिती सामान्य लोकांना न मिळणे, आणि सर्वात मोठे — गुंडगिरी जोपासणाऱ्या लोकाना संरक्षण देणारे शक्तिशाली लोक. आणि गरीब-कुटुंबांना त्यांच्या जमिनीचे पूर्ण हक्क समजत नाहीत, त्यामुळे ते सहज फसतात.

*तिसरे — प्रशासनाचे आणि पोलिसांचे कर्तव्य काय आहे?*

जर पोलिसांनी पहिल्याच तक्रारीवर त्वरीत कारवाई केली असती तर आज एवढा गंभीर प्रकार घडला नसता त्वरित सखोल चौकशी करून पुरावे गोळा केले असते, जखमींना सुरक्षा दिली असती आणि फौजदारी कारवाई वेळीच केली असती, तर हा प्रकार टाळता आला असतो. प्रशासनाने जमिनीच्या कागदपत्रांची तपासणी करून वास्तविक मालक कोण हे सत्यात उतरणे आवश्यक आहे. कोणत्याही प्रकारच्या धमक्या किंवा मारहाण झाल्यास तात्काळ संरक्षण देणे आणि आरोपींच्या मोठ्या नेटवर्कपर्यंत पोहोचणे हे पोलीस व प्रशासनाचे मुख्य काम आहे.

*चौथे समाज आणि स्थानिक नेत्यांची भूमिका किती महत्त्वाची?*

स्थानिक नेते व नागरिक सर्वांनी एकत्र येऊन या प्रकारच्या अन्यायाविरुद्ध आवाज उठवावा. जिथे लोकशाही कार्यान्वित नाहीत, तिथे जनताच रक्षक बनते. पण रस्त्यावर उतरून आंदोलन करणे एवढेच पुरेसे नाही — पुरावे गोळा करणे, तक्रारींची नोंद करणे, आणि न्यायालयीन प्रक्रियेत सहकार्य करणे याही तितकेच आवश्यक आहे.

*पाचवे — काय उपाय करायला हवेत? (सरळ सोपे पाऊल)*

पोलिसांनी तत्काळ चौकशी सुरु करून दोषींवर कठोर कारवाई करावी.जखमी कुटुंबाला तातडीची सुरक्षा आणि वैद्यकीय मदत दिली जावी.जमिनीच्या कागदपत्रांचा त्वरित तपास होऊन, खरी मालकी व कर्जाची नोंद सार्वजनिक केली जावी.

दलाल-एजंटांकडे असे नोंदणी-परवाने आहेत काय हे तपासावे व व्यवहार करताना पारदर्शकता बंधनकारक करावी.महसूल व स्थानिक प्रशासन यांच्यात समन्वय वाढवून जमिनीच्या व्यवहारांचे ओपन रेकॉर्ड ठेवले जावेत, जेणेकरून सामान्य माणूस सहज तपासू शकेल.समाज आणि स्वयंसेवी संस्था एकत्र येऊन चुकीच्या व्यवहारांविरोधात लोकांमध्ये जागरूकता वाढवावी.

शेवटी — हा प्रश्न फक्त पिंगुळीचा नाही. जर अशा प्रकारच्या गुंडगिरीला व संरक्षणाला थांबवले नाही, तर छोटी छोटी कुटुंब सतत त्रस्त होतील. जमीन म्हणजे केवळ माती नाही — ती लोकांची रोजी-रोटी, घर, आणि भावी पिढ्यांचे भविष्य आहे. ्यामुळे प्रत्येकाची जबाबदारी आहे अशा गोष्टींना विरोध करने व स़घटीत होऊन मुकाबला करने — प्रशासन, पोलीस, बँका, स्थानिक नेते आणि नागरिक.यांनी या भूमाफियांना कर्ज देताना शंभर वेळा विचार करावा हा कर्ज कोणत्या प्रयोजनासाठी घेतो व वापर कुठे करतो,नाहितर कर्ज देणारी बॅक सुध्दा अडचणीत येऊ शकते मग वाचवायला कोणीही आका येणार नाही.

संदेश साधा आहे — अन्यायाच्या विरोधात शांतपणे पण ठामपणे उभे रहा. जे काही झाले ते लक्षात घेऊन पोलिसांनी योग्य कारवाई करावी आणि प्रशासनाने जमिनीच्या व्यवहारांची चौकशी करून लोकांचे संरक्षण करावे. अन्यथा छोट्या माणसांचे जीवन ही समाजासाठी मोठा प्रश्न होईल. सिंधुदुर्गचा शांत किनारा आणि लोकांची सुरक्षितता आम्ही सगळे मिळूनच राखू शकतो.

*मनसे जिल्हाध्यक्ष धीरज परब अभिनंदनास पात्र*

आम्ही खरे अभिनंदन करतो मनसे जिल्हाध्यक्ष धीरज परब यांचे त्यांनी कशाचाही विचार न करता पिडीत कुटुंबाची भेट घेऊन त्यांना धीर दिला व त्वरित पोलिस ठाणे गाठून ज्यांनी मारहाण केली ते व त्यांचा जो कोण बाॅस असेल त्याच्यावर त्वरित गुन्हा दाखल करा अशी मागणी केली सदरची कारवाई येत्या चार दिवसांत न झाल्यास सर्वपक्षीय मोर्चा काढू असा इशारा दिला,मनसे जिल्हाध्यक्ष धीरज परब खरोखरच कौतुकास पात्र आहेत,ज्या ठिकाणी अन्याय दिसतो त्या ठिकाणी धिरज परब हमखास असतो हे सुत्र दृढ झाले आहे,ज्या भूमाफियांच्या विरोधात धिरज परब उभे राहिलेत त्यांचे हात म्हणे वर पर्यंत पोहचले आहेत.ज्यांना असे वाटते त्यांनी एकच लक्षात ठेवावे एक छोटी मुंगी सुध्दा हत्तीच्या कानात शिरून त्याला सैरावैरा पळवू शकते.तुमचा आका कितीही मोठा असू देत माय विकून बलाढ्य होण्याची स्वप्ने पाहणारे शेवटी याच मातीत गाडले गेले हा इतिहास आहे.

*सविस्तर बातमीसाठी खालील लिंक वर क्लिक करा…….👇👇👇👇*

 

 

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/GX6edZZhJPuIF8DertMr8J

——————————–

 

_*🏠कोकणातील आपल्या हक्काच्या घराचं स्वप्न आम्ही पूर्ण करु🏘️*_

 

*🏝️कोकणातील निळाशार समुद्र व ✈️चीपी विमानतळापासुन जवळच आपले स्वप्नातले घर चला घेऊया🏘️*

 

*🏬दाभोलीनाका वेंगुर्ला “पाटील चेंबर्स” या सिंधुदुर्ग जिल्ह्यातील पहिलीच ७ मजली फायर सिस्टीम च्या सुविधांसह मोजकेच फ्लॅट, ऑफीसेस शिल्लक.*

 

*🏜️वेंगुर्ला हॉस्पीटल नाका येथे ९ गुंठे चा प्लॉट विकणे आहे*

 

*⚜️सावंतवाडी, रेस्ट हाऊस जवळ, सालईवाडा येथील “पारिजात हाईटस्” या इमारतीमध्ये फ्लॅट व दुकानगाळे उपलब्ध*

 

*⭕सावंतवाडी, मिलाग्रीस हायस्कूल जवळ नियोजीत सुरू होणाऱ्या इमारतीमध्ये फ्लॅट,ऑफीस व दुकानगाळे उपलब्ध*

 

 

बुकींगसाठी संपर्क:-

*बी.पी. डेव्हलपर्स अॅण्ड बिल्डर्स*

प्रोप्रा.श्री.बाबासाहेब पां. पाटील

मोबा. नं. ७७०९०४६४६५/७७०९०४५४६१

 

*ऑफीस:-* पाटील टॉवर, गवळी तिठा, सावंतवाडी फो.नं. ०२३६३-२७१६५५

 

*Email:-* bpdevelopersandbuilders@rediffmail.com

 

*🛏️रत्नेश प्रिमीयम (लॉजींग)🛌🏻*

 

रूम्स उपलब्ध – एसी. व नॉन एसी रूम्स, डॉमेट्री, एक्झीकेटीव्ह सुट एस.टी. स्टैंड समोर, पाटील टॉवर, गवळी तिठा, सावंतवाडी

 

*📱फो.नं.* ०२३६३-२७१६५५/७७०९०४५४६७

—————————————-

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Tweets by LiveKokan

 

*🖥️ कोकण लाईव्ह ब्रेकिंग*

_अचूक बातमी थेट हल्ला_