🛑अधिकाऱ्यांकडून पालकमंत्र्यांच्या आदेशांकडे दुर्लक्ष!मनसेचा आरोप.

*🛑अधिकाऱ्यांकडून पालकमंत्र्यांच्या आदेशांकडे दुर्लक्ष!मनसेचा आरोप.*

 

*🛑४ कोटी निधी परत; मनसेचा नितेश राणेंना सवाल — “धाडस दाखवणार का?”*

 

*🎥 KOKAN LIVE BREAKING ||NEWS CHANNEL*

 

*✍️ ब्युरो न्युज : कोकण लाईव्ह ब्रेकिंग*

 

*🎴सावंतवाडी, दि- ०५:-* सिंधुदुर्ग जिल्ह्याच्या विकासासाठी राज्य सरकारकडून आलेला निधी १०० टक्के खर्च करण्याचे स्पष्ट आदेश पालकमंत्री नितेश राणे यांनी जिल्हा प्रशासनाला दिले होते. विकासाच्या आड येणाऱ्या आळशी आणि निष्क्रिय अधिकाऱ्यांवर कारवाईचा इशारा देखील त्यांनी दिला होता. मात्र, त्या आदेशांकडेच प्रशासनाने केराची टोपली दाखवली असून, याचे ठळक उदाहरण म्हणजे शासकीय वैद्यकीय महाविद्यालय आणि रुग्णालयाच्या निधीपैकी तब्बल ४ कोटी रुपयांचा निधी अखर्चित राहून शासनाकडे परत गेल्याचे समोर आले आहे.

या गंभीर दुर्लक्षावर मनसेचे उपजिल्हाध्यक्ष कुणाल किनळेकर यांनी प्रशासनासोबतच थेट पालकमंत्री नितेश राणे यांनाच सवाल केला आहे – “अशा अकार्यक्षम अधिकाऱ्यांवर कारवाई करण्याचे धाडस पालकमंत्री दाखवणार का?”

“*विकासाच्या गप्पा आणि निधी परत — हे कसले प्रशासन?”*

सिंधुदुर्ग जिल्ह्यातील वैद्यकीय सेवांची दयनीय अवस्था सर्वश्रुत आहे. शासकीय वैद्यकीय महाविद्यालय व रुग्णालयात आवश्यक वैद्यकीय साहित्याचा व औषधसाठ्याचा गंभीर तुटवडा आहे. साध्या प्लास्टरसाठीही रुग्णांना गोवा बांबोळीला पाठवले जाते, अशी स्थिती असताना, जिल्ह्याच्या आरोग्य व्यवस्थेसाठी आलेला चार कोटी रुपयांचा निधी खर्च न होता परत जाणे हे “प्रशासकीय निष्क्रियतेचे द्योतक” असल्याची टीका किनळेकर यांनी केली.

त्यांनी पुढे सांगितले की, “श्वानदंश आणि सर्पदंश झालेल्या रुग्णांना तात्काळ उपचार मिळावेत म्हणून शासनाकडून निधी मंजूर झाला होता. मात्र औषधसाठा नसल्याने हेच रुग्ण कोल्हापूरच्या सीपीआर किंवा गोव्यातील बांबोळी रुग्णालयात पाठवले जात आहेत. जिल्ह्याचे अधिष्ठाता आणि प्रशासकीय अधिकारी हेच या गंभीर परिस्थितीस कारणीभूत आहेत.”

*पालकमंत्र्यांचा ‘वचक’ संपलाय का?*

मनसेच्या किनळेकरांनी पुढे असा सवाल उपस्थित केला की,“जिल्ह्यातील प्रशासनावर पालकमंत्री नितेश राणे यांचा वचक उरलेला नाही का? विकासाच्या गप्पा मारणाऱ्या पालकमंत्र्यांचे आदेश अधिकारी जुमानत का नाहीत? केवळ राजकीय प्रचार, पक्षवाढ आणि कार्यकर्त्यांचे स्वागत यापुरतंच त्यांचं जिल्ह्यात येणं मर्यादित झालंय का?”किनळेकरांच्या या सवालाने जिल्हा प्रशासनासह पालकमंत्र्यांवरही राजकीय वादळ उठले आहे.

*४ कोटींचा निधी गेला परत — रुग्ण मात्र त्रस्त*

मिळालेल्या माहितीनुसार, सन २०२४–२५ या आर्थिक वर्षाकरिता सिंधुदुर्ग शासकीय वैद्यकीय महाविद्यालय व रुग्णालयासाठी शासनाने दिलेल्या निधीपैकी सुमारे ४ कोटी रुपयांचा निधी अखर्चित राहिला. हा निधी आरोग्यसेवा, वैद्यकीय उपकरणे, औषधसाठा आणि सुविधांच्या उभारणीसाठी वापरायचा होता. परंतु कामकाजातील ढिसाळपणा आणि नियोजनशून्यतेमुळे हा निधी न वापरता परत गेला.

*मनसेचा मागणीपत्र — अधिष्ठातांवर कारवाईची मागणी*

मनसेकडून जिल्हाधिकाऱ्यांना व पालकमंत्र्यांना लवकरच लेखी निवेदन सादर केले जाणार असून, अधिष्ठाता व संबंधित प्रशासकीय अधिकाऱ्यांवर तात्काळ कारवाई करण्याची मागणी केली जाणार आहे. तसेच रुग्णसेवा सुधारण्यासाठी खर्च न झालेला निधी पुन्हा मंजूर करून जिल्ह्याच्या आरोग्य व्यवस्थेला बळकटी देण्याची मागणीही होणार आहे.

*किनळेकरांचा थेट सवाल:*

> “रुग्णालयात औषधे नाहीत, उपकरणं नाहीत, डॉक्टरांना सुविधा नाहीत… आणि निधी परत जातो! मग जबाबदार कोण? पालकमंत्री म्हणून नितेश राणे यांनी अधिष्ठात्यांवर कारवाई करणार की हेही केवळ भाषणापुरतंच?”

४ कोटी रुपयांचा निधी खर्च न होता शासनाकडे परत.अधिष्ठात्यांच्या निष्क्रियतेवर मनसेचा रोष.रुग्णालयात औषधसाठा, प्लास्टर,अँटिव्हेनमचा तुटवडा कायम पालकमंत्र्यांच्या आदेशांकडे अधिकाऱ्यांचे दुर्लक्ष

“कारवाई करणार की मौन राखणार?” असा सवाल मनसेचे कुणाला किनळेकर यांनी केला आहे.

*सविस्तर बातमीसाठी खालील लिंक वर क्लिक करा…….👇👇👇👇*

 

 

 

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/GX6edZZhJPuIF8DertMr8J

 

*_💥कोकणवासीयांच्या ज्वलंत प्रश्नांवर प्रकाशझोत टाकणारे डॅशिंग न्यूज चॅनल..🔥_*

 

*_💥गोरगरिबांवरील होणाऱ्या अन्यायाला वाचा फोडणारे दिलासादायक व्यासपीठ..🔥_*

 

*🔥💥 कोकण लाईव्ह ब्रेकिंग 💥🔥*

_*अचूक बातमी थेट हल्ला*_

 

*🌐 जाहिराती व बातम्यांसाठी आजच भेट द्या….⬇️*

*♦संपादक : सीताराम गावडे*

*📱संपर्क : +919423304856*

 

*♦ब्युरो चीफ : विशाल पित्रे*

*📱संपर्क : +919405475712*

 

*▪️मुख्य कार्यालय*

*कोकण लाईव्ह ब्रेकिंग*

आस्था कॉम्प्युटर शेजारी,अजिंक्य लॉज खाली, बस स्टॅन्ड पाठीमागे

ता.सावंतवाडी, जि. सिंधुदुर्ग

——————————–

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Tweets by LiveKokan

 

*🖥️ कोकण लाईव्ह ब्रेकिंग*

_अचूक बातमी थेट हल्ला_