🛑 आफताब शेख आत्महत्या की संशयास्पद मृत्यू? ; श्री शिवप्रतिष्ठान हिंदुस्थानची सखोल तपासाची मागणी!

बांदा पोलिसांना निवेदन ; आरोप हेतुपुरस्सर, निष्पाप हिंदू युवकांना अडकवण्याचा कट असल्याचा आरोप; फॉरेन्सिक तपास व कॉल रेकॉर्ड पडताळणीची मागणी

🎥 KOKAN LIVE BREAKING || NEWS CHANNEL

✍️ ब्युरो न्यूज : कोकण लाईव्ह ब्रेकिंग

🎴बांदा, दि-०३:- बांदा येथील युवक आफताब शेख यांच्या आत्महत्या प्रकरणाने आता नवे वळण घेतले असून, या प्रकरणी श्री शिवप्रतिष्ठान हिंदुस्थान, सिंधुदुर्ग तर्फे बांदा पोलिस ठाण्याला निवेदन देण्यात आले आहे. या निवेदनात सदर आत्महत्या प्रकरण “संशयास्पद” असल्याचे नमूद करून “संशयास्पद मृत्यू” म्हणून नोंद घेऊन सखोल तपास करण्याची मागणी करण्यात आली आहे.

निवेदनात म्हटले आहे की, आफताब शेख आत्महत्या प्रकरणात काही बाबी अत्यंत संशयास्पद असून, काही व्यक्तींना हेतुपुरस्सर गोवण्याचा प्रयत्न होत असल्याचे दिसत आहे. सात महिन्यांपूर्वी हा युवक फुल विक्री करताना थुंकलेले पाणी फुलांवर शिंपडताना सापडला होता. त्या वेळी बांद्यातील ग्रामस्थांनी त्याची ही कृती थांबवली होती. त्यानंतर त्याने कोणतीही अडचण न येता तीन दिवस वाण विक्रीचा व्यवसाय केला होता. तरीसुद्धा, 29 ऑक्टोबर 2025 रोजी काही जणांनी त्रास दिल्याचा आरोप करत त्याने आत्महत्या केल्याचा व्हिडिओ तयार करून घेतल्याचा दावा केला जात आहे.

मात्र, संस्थेच्या निवेदनानुसार, मागील सात महिन्यांमध्ये आफताब शेख आणि आरोप झालेल्या व्यक्ती यांच्यात कोणताही संवाद, कॉल रेकॉर्ड किंवा इतर कोणताही पुरावा नसल्याचे स्पष्ट झाले आहे. त्यामुळे हा आरोप हेतुपुरस्सर आणि पूर्वनियोजित असल्याची शक्यता संस्थेने वर्तवली आहे.

संस्थेने पोलिसांना दिलेल्या निवेदनात काही महत्त्वाचे प्रश्न उपस्थित केले आहेत:

 

आत्महत्येचा व्हिडिओ कोणी रेकॉर्ड केला आणि बंद केला?

 

त्या वेळी कोणती व्यक्ती घटनास्थळी उपस्थित होती?

 

अशक्त अवस्थेतील व्यक्तीने इतक्या स्थिरतेने व्हिडिओ कसा रेकॉर्ड केला?

 

आत्महत्या होत असताना घरातील इतरांना ते त्वरित कसे समजले?

 

पत्नी व मुले त्या वेळी कुठे होती?

 

डॉक्टरांचे प्राथमिक निरीक्षण काय होते?

 

 

संस्थेने या सर्व बाबींचा तपास व्हावा अशी मागणी केली असून, विशेषतः व्हिडिओचा फॉरेन्सिक तपास, मयत व्यक्तीचे सात महिन्यांचे कॉल रेकॉर्ड, पाच दिवसांचे मोबाईल लोकेशन, आर्थिक व्यवहार तसेच मानसिक स्थिती व वैद्यकीय उपचारांबाबत चौकशी करण्यात यावी, असे निवेदनात नमूद आहे.

श्री शिवप्रतिष्ठान हिंदुस्थानने पोलिसांना इशारा दिला आहे की, निष्पाप हिंदू युवकांना जाणूनबुजून अडकवण्याचा प्रयत्न झाला तर संस्थेला विस्तृत आंदोलनाचा मार्ग स्वीकारावा लागेल.

या निवेदनामुळे बांदा आत्महत्या प्रकरणाला आता नवे राजकीय व सामाजिक परिमाण प्राप्त झाले असून, पोलिसांनी या घटनेचा तपास कोणत्या दिशेने नेला जातो, याकडे सर्वांचे लक्ष लागले आहे.

 

 

*………….सविस्तर बातमीसाठी खालील लिंक वर क्लिक करा…….👇👇👇👇*

 

 

 

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/G0QkRHSM8pVG6G6esWNkkp

 

*_💥कोकणवासीयांच्या ज्वलंत प्रश्नांवर प्रकाशझोत टाकणारे डॅशिंग न्यूज चॅनल..🔥_*

 

*_💥गोरगरिबांवरील होणाऱ्या अन्यायाला वाचा फोडणारे दिलासादायक व्यासपीठ..🔥_*

 

*🔥💥 कोकण लाईव्ह ब्रेकिंग 💥🔥*

_*अचूक बातमी थेट हल्ला*_

 

*🌐 जाहिराती व बातम्यांसाठी आजच भेट द्या….⬇️*

*♦संपादक : सीताराम गावडे*

*📱संपर्क : +919423304856*

 

*♦ब्युरो चीफ : विशाल पित्रे*

*📱संपर्क : +919405475712*

 

*▪️मुख्य कार्यालय*

*कोकण लाईव्ह ब्रेकिंग*

आस्था कॉम्प्युटर शेजारी,अजिंक्य लॉज खाली, बस स्टॅन्ड पाठीमागे

ता.सावंतवाडी, जि. सिंधुदुर्ग

——————————–

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Tweets by LiveKokan

 

 

*🖥️ कोकण लाईव्ह ब्रेकिंग*

_अचूक बातमी थेट हल्ला_